स्वातंत्र्याचा अमृत महोत्सव

श्री. एकनाथ शिंदे
मा. मुख्यमंत्री,
महाराष्ट्र राज्य
श्री. देवेंद्र फडणवीस
मा. उपमुख्यमंत्री,
महाराष्ट्र राज्य
आचंद्र सूर्य नांदो, स्‍वातंत्र्य भारताचे

"हे वर्ष भारतीय स्‍वातंत्र्याचे अमृत महोत्‍सवी वर्ष आहे. हजारो लाखो हुतात्‍म्‍यांनी आपल्‍या प्राणांचे बलिदान देवुन वंदनीय भारतमातेला परकीयांच्‍या बेडयातुन मुक्‍त केले व स्‍वातंत्र्याचा मंगल कलश आपल्‍या हाती दिला. स्‍वातंत्र्याचा अमृत महोत्‍सव साजरा करतांना भारताची संपन्‍न सांस्कृतिक परंपरा जपणे हे आपले आद्यकर्तव्‍य आहे. हे कर्तव्‍य आपण सांस्कृतिक कार्य विभागाच्‍या माध्‍यमातुन प्रभावीपणे पार पाडु. भारतीय स्‍वातंत्र्याच्‍या अमृत महोत्‍सवानिमीत्‍त सर्वांना मनपुर्वक शुभेच्‍छा !!"

श्री. सुधीर मुनगंटीवार
मा. सांस्कृतिक कार्य मंत्री,
महाराष्ट्र राज्य

संपन्न झालेले उपक्रम

8
Oct 22
azadi ka amrit mohotsav gramapanchay waluj

azadi ka amrit mohotsav gramapanchay waluj

अधिक माहिती...
1
Oct 22
मातोश्री वृद्धाश्रम येथे ज्येष्ठ नागरिक दिनानिमित्त आरोग्य केंद्र वडणगे अंतर्गत उपकेंद्र नागदेवाडी येथील मातोश्री वृद्धाश्रम येथे ज्येष्ठ नागरिक तपासणी शिबिर

मातोश्री वृद्धाश्रम येथे ज्येष्ठ नागरिक दिनानिमित्त आरोग्य केंद्र वडणगे अंतर्गत उपकेंद्र नागदेवाडी येथील मातोश्री वृद्धाश्रम येथे ज्येष्ठ नागरिक तपासणी शिबिर घेण्यात आले सदर शिबिराचे उद्घाटन माननीय संजय सिंह चव्हाण सो मुख्य कार्यकारी अधिकारी जिल्हा परिषद कोल्हापूर यांच्या हस्ते करण्यात आले तसेच माननीय दीपक घाटे सो जिल्हा समाज कल्याण अधिकारी माननीय डॉक्टर फारुख देसाई सो तालुका आरोग्य अधिकारी पंचायत समिती करवीर माननीय डॉक्टर रोहिणी खलीपे वैद्यकीय अधिकारी प्राथमिक आरोग्य केंद्र वडणगे यांचे मार्फत 35 ज्येष्ठ नागरिकांची तपासणी करण्यात आली यावेळी श्री एन वाय लोहार विस्तार अधिकारी पंचायत समिती करवीर तसेच आरोग्यवर्धिनी उपकेंद्र नागदेवाडी येथील सामुदाय आरोग्य अधिकारी स्नेहा कलुरकर व राहुल पाटील तसेच आरोग्य सहाय्यक श्री बेंडखळे श्री कांबळे प्रयोगशाळा तंत्रज्ञ श्रीम घाडगे मॅडम पवित्रा जमदाडे श्रीम गावडे आरोग्य सेविका आरोग्य सेवक श्री रवी माने श्री अरुण करलकर श्री राजेंद्र ढेंगे व श्री पठाण तसेच नागदेववाडी येथील सर्व आशा स्वयंसेविका वाहन चालक श्री पाटील तसेच वृद्धाश्रमातील अध्यक्ष सचिव कर्मचारी रुंद यांचे सदर शिबिरास सहकार्य लाभले

अधिक माहिती...
30
Sep 22
जिल्हाधिकारी कार्यालयात तंबाखू विरोधी शपथ

आज दिनांक 30/09/2022 रोजी महात्मा गांधी यांच्या जयंतीचे औचित साधून आज जिल्हाधिकारी कार्यालयात मा.राहुल रेखावार , जिल्हाधिकारिसो,कोल्हापूर , मा.किशोर पवार, अप्पर जिल्हाधिकारिसो, कोल्हापूर व मा.दत्तात्रय कवितके निवासी उपजिल्हाधिकारी ,कोल्हापूर यांच्या उपस्थितित राष्ट्रीय तंबाखू नियंत्रण कक्षातील सामाजिक कार्यकर्त्या श्रीम.क्रांती शिंदे यांनी उपस्थित सर्वांना तंबाखू विरोधी शपथ दिली. यावेळी राष्ट्रीय तंबाखू नियंत्रण कार्यक्रमातील समुपदेशक श्रीम.चारुशीला कणसे ,DEO श्रीम.प्रियांका लिंगडे तसेच जिल्हाधिकारी कार्यालयातील सर्व अधिकारी व कर्मचारी हे उपस्थित होते.

अधिक माहिती...
29
Sep 22
शिरोळ येथे पर्यटन वृद्धीसाठी आयोजित कार्यशाळा

दिनांक 29 सप्टेंबर 2022 रोजी पंचायत समिती शिरोळ येथे पर्यटन कार्यशाळा मा जिल्हाधिकारी सर यांच्या मार्गदर्शनाखाली आयोजित करणेत आली .सदर कार्यशाळेस हॉटेल संघटना अध्यक्ष,दुकानदार संघटना अध्यक्ष,वाहतूक संघटना अध्यक्ष ,पर्यटन संबधित गावाचे सरपंच, डॅा. रामचंद्र चोथे , गाईड तथा अभ्यासक खिद्रापूर मंदिर , दत्त देवस्थान व्यवस्थापन समिती , नृसिंहवाडी, नाविक , ग्रामसेवक , श्री कवितके गट विकास अधिकारी , डॅा. अपर्णा मोरे धुमाळ तहसीलदार शिरोळ , श्री जयदीप मोरे, सदस्य पर्यटन समिती कोल्हापूर व ॲड. प्रसन्न मालेकर , कोल्हापूर व अभिजीत जगदाळे , नृसिंहवाडी हे उपस्थित होते. सदर कार्यशाळेमध्ये शिरोळ तालुक्यातील नृसिंहवाडी व खिद्रापूर ही धार्मिक स्थळे, गणेशवाडी येथील प्राचीन गणेश मंदिर, शिरोळ मधील आमणापूर - भोजनपात्र , संताजी घोरपडे समाधिस्थळ व ऐतिहासिक स्थळे , कुरूंदवाड येथील प्राचीन स्थळे व ट्रेकिग संबधित ठिकाणे,पर्यटन व्यवसाय वाढीसाठी करण्याच्या उपाययोजना, शिरोळ मधील प्रेक्षणीय स्थळे ,खाद्यसंस्कृती,न्याहारी निवास योजना इत्यादी बाबत सविस्तर चर्चा झाली. व त्याप्रमाणे शिरोळचा पर्यटन आराखडा तयार करण्याचे निश्चित करणेत आले.

अधिक माहिती...
29
Sep 22
तहसील कार्यालय भुदरगड येथे पर्यटन कार्यशाळा

दिनांक 29 सप्टेंबर 2022 रोजी तहसील कार्यालय भुदरगड येथे पर्यटन कार्यशाळा मा जिल्हाधिकारी सर यांच्या मार्गदर्शनाखाली आयोजित करणेत आली .सदर कार्यशाळेस हॉटेल संघटना अध्यक्ष,दुकानदार संघटना अध्यक्ष,वाहतूक संघटना अध्यक्ष ,पर्यटन संबधित गावाचे सरपंच,श्री प्रमोद पाटील,श्री बसरिया गट विकास अधिकारी श्री भोकरे,तहसीलदार भुदरगड उपस्थित होते. सदर कार्यशाळेमध्ये भुदरगड तालुक्यातील धार्मिक स्थळे, ऐतिहासिक स्थळे , ट्रेकिग संबधित ठिकाणे,पर्यटन व्यवसाय वाढीसाठी करण्याच्या उपाययोजना,भुदरगड मधील प्रेक्षणीय स्थळे ,खाद्यसंस्कृती,न्याहारी निवास योजना इत्यादी बाबत सविस्तर चर्चा झाली.भुदरगड चा पर्यटन आराखडा तयार करण्याचे निश्चित करणेत आले.

अधिक माहिती...
29
Sep 22
शाहू वाचनालय कागल येथे पर्यटन कार्यशाळा

दिनांक 29 रोजी शाहू वाचनालय कागल येथे पर्यटन कार्यशाळा आयोजित करण्यात आली. सदर कार्यशाळेस सचिन शानभाग,कोल्हापूर,कागल येथील प्रसिद्ध हॉटेल व्यवसायिक ,वाहतूक संघटना, रिक्षा चालक संघटना ,नागरिक यांनी उत्साहाने कार्यशाळेत सहभागी झाले. सचिन शानभाग यांनी उत्तम मार्गदर्शन केले.

अधिक माहिती...
अनामवीरांची माहिती (Unsung Hero's)
  • लुईस फर्नांडिस

    यांचा जन्म १९२६ मध्ये मुंबई येथे झाला. भारतीय नौसेनेने पुकारलेल्या बंडखोरीच्या समर्थनार्थ झालेल्या एका निदर्शनात ते सामील झाले. २२ फेब्रुवारी १९४६ रोजी पोलिसांनी केलेल्या गोळीबारात ते गंभीर जखमी झाले आणि त्यांचा मृत्यू झाला.


    संदर्भ - स्वातंत्र्यसमरातील महाराष्ट्राचे योगदान


  • लक्ष्मी थेरे

     यांचा जन्म १९२५ मध्ये वर्धा येथे झाला. १९४२ च्या छोडो भारत आंदोलनात यांनी सक्रिय सहभाग घेतला. तसेच ब्रिटिशां- विरोधी विविध कारवायांमध्ये सहभाग घेतला१४ ऑगस्ट रोजी नागपुरात ब्रिटिशांना भारतातून हद्दपार करण्याच्या मागणीसाठी झालेल्या निदर्शनात ते सामील झाले. त्यात निदर्शकांवर सैन्याने रणगाड्यांमधून केलेल्या गोळीबारात ते गंभीर जखमी झाले आणि त्यांचा जागीच मृत्यू झाला.


    संदर्भ - स्वातंत्र्यसमरातील महाराष्ट्राचे योगदान


  • लक्ष्मण

      यांचा जन्म १८९० मध्ये नागपूर येथे झाला. १९४२ च्या छोडो भारत आंदोलनात यांनी सक्रिय सहभाग घेतला. तसेच ब्रिटिशांविरोधी विविध कारवायांमध्ये सहभाग घेतला. दिनांक १४ ऑगस्ट रोजी नागपुरात ब्रिटिशांना भारतातून हद्दपार करण्याच्या मागणीसाठी झालेल्या निदर्शनात ते सामील झाले. त्यावेळी निदर्शकांवर सैन्याच्या रणगाड्यांमधून झालेल्या गोळीबारात ते गंभीर जखमी झाले आणि त्यांचा जागीच मृत्यू झाला.


    संदर्भ - स्वातंत्र्यसमरातील महाराष्ट्राचे योगदान


  • झोरवान सिंग

    हे मुंबई येथील रहिवासी, १८५७ साली ते ब्रिटिश राजवटीविरुद्ध क्रांतिकारकांना सामील झाले. त्यांना हत्यारांची मदत केली आणि इतरांनासुद्धा या लढ्यात सामील व्हावे म्हणून त्यांना प्रोत्साहीत केले. ब्रिटिश खजिना आणि शस्त्रे लुटायची क्रांतिकारकांना ती पुरवायची असे काम त्यांनी केले. त्यांना पकडले गेल्यावर त्यांच्यावर ब्रिटिश राजवटीच्या विरोधात बंडाचा आरोप ठेवण्यात आला. सप्टेंबर, १८५७ मध्ये त्यांना १० वर्षांच्या काळ्या पाण्याची शिक्षा ठोठावण्यात आली आणि १८५८ मध्ये अंदमानला पाठवण्यात आले. अटकेत असताना जानेवारी १८५९ रोजी त्यांचा मृत्यू झाला.




    संदर्भ - स्वातंत्र्यसमरातील महाराष्ट्राचे योगदान


  • झाकीउद्दिन सुलेमानजी

    हे मुंबईचे रहिवासी होते. भारतीय नौसेनेच्या समर्थनार्थ झालेल्या एका निदर्शनात ते सामील झाले. दिनांक २२ फेब्रुवारी १९४६ रोजी पोलिसांनी केलेल्या गोळाबारात ते गंभीर जखमी झाले आणि २४ फेब्रुवारी रोजी त्यांचा मृत्यू झाला.




    संदर्भ - स्वातंत्र्यसमरातील महाराष्ट्राचे योगदान