स्वातंत्र्याचा अमृत महोत्सव

श्री. एकनाथ शिंदे
मा. मुख्यमंत्री,
महाराष्ट्र राज्य
श्री. देवेंद्र फडणवीस
मा. उपमुख्यमंत्री,
महाराष्ट्र राज्य
आचंद्र सूर्य नांदो, स्‍वातंत्र्य भारताचे

"हे वर्ष भारतीय स्‍वातंत्र्याचे अमृत महोत्‍सवी वर्ष आहे. हजारो लाखो हुतात्‍म्‍यांनी आपल्‍या प्राणांचे बलिदान देवुन वंदनीय भारतमातेला परकीयांच्‍या बेडयातुन मुक्‍त केले व स्‍वातंत्र्याचा मंगल कलश आपल्‍या हाती दिला. स्‍वातंत्र्याचा अमृत महोत्‍सव साजरा करतांना भारताची संपन्‍न सांस्कृतिक परंपरा जपणे हे आपले आद्यकर्तव्‍य आहे. हे कर्तव्‍य आपण सांस्कृतिक कार्य विभागाच्‍या माध्‍यमातुन प्रभावीपणे पार पाडु. भारतीय स्‍वातंत्र्याच्‍या अमृत महोत्‍सवानिमीत्‍त सर्वांना मनपुर्वक शुभेच्‍छा !!"

श्री. सुधीर मुनगंटीवार
मा. सांस्कृतिक कार्य मंत्री,
महाराष्ट्र राज्य

आज राजपथावर झालेल्या चित्ररथाला सर्वात लोकप्रियता असलेला चित्ररथाचा मान मिळवण्यासाठी खालील लिंक वर जाऊन आपले मत नोंदवा
https://www.mygov.in/group-poll/vote-your-favorite-tableau-republic-day-2023


संपन्न झालेले उपक्रम

30
Jan 23
कुष्ठरोग जनजागृतीसाठी "रन फॉर लेप्रसी" मॅरथॉन स्पधेचे आयोजन

"स्पर्श” कुष्ठरोग जनजागृती अभियान - २०२३ ची सुरुवात कुष्ठरोग जनजागृतीसाठी "रन फॉर लेप्रसी" मॅरथॉन स्पधेचे आयोजन "स्पर्श" कुष्ठरोग जनजागृती अभियान अंर्तगत राष्ट्रपिता महात्मा गांधीजी यांच्या पुण्यतिथी निमित्त दि. ३० जानेवारी "कुष्ठरोग निवारण दिन" तसेच ३० जानेवारी ते १३ फेब्रुवारी २०२३ दरम्यान पंधरवडा साजरा करण्यात येणार आहे. या पंधरवडयामध्ये जिल्ह्यात विविध कुष्ठरोग जनजागृतीपर उपक्रम राबवण्यात येणार आहेत.याचाच एक भाग म्हणून ३० जानेवारी २०२३ रोजी राष्ट्रपिता महात्मा गांधीजी यांच्या पुण्यतिथी निमित्त मा. सहसंचालक आरोग्य सेवा (कुष्ठ व क्षय) पुणे यांच्या मार्गदर्शक सुचनेनुसार सहाय्यक संचालक, आरोग्य सेवा (कुष्ठरोग) कोल्हापूर अंतर्गत पर्यवेक्षकीय नागरी कुष्ठरोग पथक, शेंडापार्क, कोल्हापूर यांचे मार्फत कोल्हापूर शहरात "रन फॉर लेप्रसी" ही मॅरथॉन स्पर्धा आरोग्य व कुटुंब कल्याण प्रशिक्षण केंद्र, शेंडापार्क येथे सकाळी ८.०० वा. आयोजित करण्यात आली. उपसंचालक, आरोग्य सेवा, कोल्हापूर मंडळ, मा. डॉ. प्रेमचंद कांबळे, जिल्हा आरोग्य अधिकारी, जि. प. कोल्हापूर डॉ. योगेश साळे, यांचे हस्ते हिरवा झेंडा दाखवून मॅरेथॉन स्पर्धेस आरंभ करण्यात आला. "रन फॉर लेप्रसी स्पर्धेत कोल्हापूर शहरातील २४ शाळांमधून १४ ते १७ वयोगटातील एकूण १०८ मुला-मुलींनी सहभाग घेतला ( ७६ मुले व ३२ मुली). सकाळी ८ वा. मुलांची व मुलींची स्वतंत्र स्पर्धा ५ किमी पर्यंत दौड आयोजित करण्यात आली. मुले व मुलींना मोफत टी-शर्ट पुरवठा करण्यात आले. या कार्यक्रमावेळी राष्ट्रपिता महात्मा गांधी यांच्या प्रतिमेस पुष्पहार अर्पण करून दीपप्रज्वलन करण्यात आले. उपस्थितांनी "कुष्ठरोगाविषयी" (कुष्ठरोग बाधित व्यक्तीचा सामाजिक भेदभाव करणार नाही) प्रतिज्ञा घेण्यात आली. मॅरेथॉन स्पर्धेचे बक्षिस वितरण मान्यवरांच्या हस्ते कुटुंब कल्याण प्रशिक्षण केंद्राच्या सभागृहात करण्यात आले. या कार्यक्रमावेळी उपसंचालक, आरोग्य सेवा, कोल्हापूर मंडळ, कोल्हापूर मा. डॉ. प्रेमचंद कांबळे, जिल्हा आरोग्य अधिकारी, मा. डॉ. योगेश साळे, सहाय्यक संचालक, आ. से..(कुष्ठरोग) डॉ.उषा जी. कुंभार, आरोग्य अधिकारी कोल्हापूर मनपा डॉ. रमेश जाधव, जिल्हा अॅथलेटिक असोसिएशन कोल्हापूर, श्री. फराकटे सर, वै.अ.प.-ना.कु.प. कोल्हापूर डॉ. हेमलता पालेकर, वै. अ. डी. एन. टी. सहा.सं.आ. से. (कुष्ठरोग) डॉ. परवेझ पटेल, कोल्हापूर, , वै. अ. क्षयरोग कोल्हापूर डॉ. विनायक भोई उपस्थितीत होते. "रन फॉर लेप्रसी" कुष्ठरोग मॅरेथॉन स्पर्धा जिंकलेल्या प्रथम तीन मुलांची नांवे पुढील प्रमाणे - प्रथम क्रमांक कु. प्रणव हणमंत पाटील, शा. कृ. पंत वालावलकर हायस्कुल, कोल्हापूर (४००० रु.), दुसरा क्रमांक कु. रोहित तानाजी चांदेकर, महाराष्ट्र हायस्कुल, कोल्हापूर, (२५०० रु.), तृतीय क्रमांक कु. श्रेयश विनायक गायकवाड, सुसंस्कार विद्यालय, कोलापूर (१५०० रु.), तसेच जिंकलेल्या तीन मुलींची नांवे पुढीलप्रमाणे. - प्रथम क्रमांक कु. संस्कृती शिवाजी प्रभू – उषांराजे हायस्कुल, कोल्हापूर (४०००रु)., दुसरा क्रमांक कु. देविका प्रविण देसाई, उषाराजे हायस्कुल, कोल्हापूर.( २५००रु.) तृतीय क्रमांक कु. सारिका भागोजी कोळपटे ,सुसंस्कार विद्यालय, कोल्हापूर. (१५००रु.). स्पर्धेत सर्व सहभागी झालेल्या मुले व मुलींना प्रशस्तीपत्र देण्यात आली.

अधिक माहिती...
25
Jan 23
जिल्हा प्रशासनाच्या वतीने राष्ट्रीय मतदार दिन

युवा पिढी ही देशाची शक्ती आहे. देशाच्या उज्वल भविष्यासाठी प्रत्येक युवकाने मतदार नोंदणी करुन घेवून मतदान प्रक्रियेत सहभागी व्हावे, असे आवाहन जिल्हा परिषदेचे मुख्य कार्यकारी अधिकारी संजयसिंह चव्हाण यांनी केले. जिल्हा प्रशासनाच्या वतीने राष्ट्रीय मतदार दिनानिमित्त श्री स्वामी विवेकानंद महाविद्यालयात आयोजित कार्यक्रमात श्री. चव्हाण बोलत होते. यावेळी अपर जिल्हाधिकारी संजय शिंदे, उपजिल्हा निवडणूक अधिकारी भगवान कांबळे, करवीर विभागाचे उपविभागीय अधिकारी वैभव नावडकर, मैत्री संघटनेच्या अध्यक्ष मयुरी आळवेकर, श्री स्वामी विवेकानंद महाविद्यालयाचे प्राचार्य आर.आर. कुंभार, तहसीलदार कल्पना ढवळे आदी प्रमुख उपस्थित होते. कार्यक्रमात निवडणुक प्रक्रिया, मतदार नोंदणी व मतदार जनजागृतीसाठी उत्कृष्ट काम केलेले अधिकारी, कर्मचारी व विद्यार्थ्यांना मान्यवरांच्या हस्ते प्रमाणपत्र देऊन सन्मानित करण्यात आले. मुख्य कार्यकारी अधिकारी संजयसिंह चव्हाण म्हणाले, आपले व देशाचे उज्वल भविष्य घडवण्यात मतदान प्रक्रिया महत्वपूर्ण आहे. लोकशाही व्यवस्था मजबूत करण्यासाठी प्रत्येक मतदाराने मतदान करणे आवश्यक आहे. कोल्हापूरचे नागरिक मतदानाबाबत जागरुक असून येथे इर्षेने चांगल्या टक्केवारीने मतदान होते, असे सांगून मतदारांनी कोणत्याही आमिषाला अथवा प्रलोभनाला बळी न पडता मतदानाचे मूलभूत कर्तव्य पार पाडावे, असे ते म्हणाले. अपर जिल्हाधिकारी संजय शिंदे म्हणाले, मतदान प्रक्रियेत प्रत्येक मताला महत्त्व आहे. वयाची 18 वर्षे पूर्ण झालेल्या प्रत्येक व्यक्तीने मतदार यादीत नावनोंदणी करुन घेऊन मतदानाचा हक्क बजावणे आवश्यक आहे. कोल्हापूर जिल्ह्यातील नागरिक मतदानाबाबत सजग असल्यामुळेच राज्यात सर्वाधिक मतदान या जिल्ह्यात होते. येत्या काळात आणखी जनजागृती करुन जिल्ह्याची मतदानाची टक्केवारी वाढवूया, असे आवाहन त्यांनी यावेळी केले. मयुरी आळवेकर म्हणाल्या, जिल्ह्यातील बहुतांशी तृतीयपंथी व्यक्तींना जिल्हा प्रशासनाकडून मतदार ओळखपत्र मिळाले आहे. तृतीयपंथीयांना मतदार ओळखपत्र मिळाले व मतदार यादीत नाव नोंदणी झाली त्यामुळे लोकशाही व्यवस्थेत मतदानाचा हक्क बजावता आला, ही बाब खूप आनंदाची आणि अविस्मरणीय असल्याचे त्यांनी सोदाहरणासह सांगितले. प्राचार्य आर. आर. कुंभार यांनी विद्यार्थ्यांना मतदार नोंदणी करण्याचे आवाहन केले. प्रास्ताविक उपजिल्हा निवडणूक अधिकारी भगवान कांबळे यांनी केले. आभार एनएसएस विभागाचे भरमगोंडा पाटील यांनी मानले.

अधिक माहिती...
24
Jan 23
“रेडक्रॉस” ने जपली सामाजिक बांधिलकी : 50 क्षयरुग्णांना घेतले दत्तक

इंडियन रेडक्रॉस सोसायटी शाखा, कोल्हापुर यांनी 50 क्षयरुग्णांना दत्तक घेतले. यातील 15 रुग्णांना जिल्हाधिकारी राहुल रेखावार यांच्या हस्ते प्रातिनिधिक स्वरुपात पोषण आहार कीटचे वाटप करण्यात आले. “रेडक्रॉस” च्या निर्णयाचे कौतुक करत समाजातील इतर दानशूर लोकांनीही अशा पद्धतीने या अभियानात सक्रीय सहभाग घ्यावा, असे आवाहन जिल्हाधिकारी राहुल रेखावार यांनी यावेळी केले. यावेळी जिल्हा क्षयरोग अधिकारी डॉ. उषा कुंभार, रेडक्रॉस कोल्हापुरचे सचिव सतीशराज जगदाळे, खजानिस महेंद्र परमार, शोभा तावडे, डॉ. विनायक भोई यांच्यासह मान्यवर उपस्थित होते. आरोग्य व कुटुंब कल्याण मंत्रालयाच्या राष्ट्रीय धोरणात्मक योजनेअंतर्गत 2025 पर्यंत क्षयरोगमुक्त भारताच्या उद्दीष्ट्यपूर्तीसाठी राष्ट्रपतीं यांनी प्रधानमंत्री टी. बी. मुक्त भारत अभियानाचा शुभारंभ केला. या योजनेअंतर्गत संस्था, उद्योग समुह, व्यक्ती, सामाजिक संस्था यांनी आपल्या तालुक्यातील किंवा कार्यक्षेत्रातील क्षयरुग्णांना पोषण आहार देऊन किमान सहा महिन्यांसाठी दत्तक घेवून सहभाग नोंदवावा, असे आवाहन जिल्हा क्षयरोग अधिकारी डॉ.उषा कुंभार यांनी केले होते. प्रधानमंत्री नरेंद्र मोदी यांनी 2025 पर्यंत क्षयरोगाचे निराकरण करण्याचे धोरण निश्चित केले आहे. ज्या व्यक्तीचा आहार पोषक नाही अशा व्यक्तींमध्ये क्षयरोगाचे प्रमाण अधिक असते. अशा व्यक्तींना उपचार कालावधीत पोषण आहार मिळाला नाही तर त्यांना उपचार मिळूनही त्याचे सकारात्मक परिणाम दिसून येतातच असे नाही. यामुळे क्षयरुग्णांमध्ये पोषक आहार हा अत्यंत महत्वाचा घटक आहे. भारत सरकारच्या मार्गदर्शक सूचनांप्रमाणे क्षयरुग्णांसाठी फूड बास्केट तयार करण्यात आली आहेत. पोषण आहार घेण्याची अनेक रुग्णांची आर्थिक परिस्थिती नसते. त्यामुळे समाजातील दानशूर व्यक्ती, संस्था यांनी पुढाकार घेऊन पोषण आहारासाठी मदत करावी, असे आवाहन आरोग्य विभागामार्फत करण्यात आले आहे.

अधिक माहिती...
20
Jan 23
गगनबावडा येथील शासकीय निवासी शाळेत कला व क्रीडा अविष्कार कार्यक्रम

समाज कल्याण अंतर्गत असणाऱ्या शासकीय निवासी शाळेतील विद्यार्थ्यांचा सर्वांगीण विकास करण्यासाठी नवनवीन उपक्रम राबविले जातात. सन 2022-23 या शैक्षणिक वर्षात विद्यार्थ्यांच्या कलागुणांना वाव मिळावा तसेच क्रीडानैपुण्य विकसित होण्यासाठी कला व क्रीडा अविष्कार या कार्यक्रमाचे आयोजन शासकीय निवासी शाळा गगनबावडा येथे करण्यात आले होते.

अधिक माहिती...
15
Jan 23
वाहतुकीचे नियम पाळा अपघाताला टाळा: दिव्येश उबाळे रस्ता सुरक्षा सप्ताह निमित्त व्याख्यान

रस्ता सुरक्षा बाबत लोकांमध्ये जनजागृती व्हावी या उद्देशाने यावर्षी देशात 11 जानेवारी ते 17 जानेवारी २०२३ या कालावधीमध्ये रस्ता सुरक्षा सप्ताह साजरा केला जातोय. याच रस्ता सुरक्षा सप्ताहातील एक उपक्रम म्हणजे लोकांना वाहन चालवताना घ्यावयाच्या काळजी बद्दल जागृती निर्माण करणे. रस्ता सुरक्षा सप्ताहच्या निमित्ताने यवतमाळ आरटीओ येथील सहाय्यक मोटर वाहन निरीक्षक श्री दिव्येश उबाळे यांनी संत गाडगेबाबा अमरावती विद्यापीठ अंतर्गत येणारे जवाहरलाल दर्डा इन्स्टिट्यूट ऑफ इंजीनियरिंग अँड टेक्नॉलॉजी यवतमाळ येथे रस्ता सुरक्षेवर व्याख्यान दिले. यावेळेस बोलताना त्यांनी सुरक्षित ड्रायव्हिंग चे महत्व व वाहन चालवतांना घ्यावयाची काळजी याबद्दल मुलांना मार्गदर्शन केले. वाहन चालवताना हेल्मेट, सीटबेल्ट वापरण्याचे फायदे तसेच रस्त्यावर चालतांना पादचाऱ्यांनी काय काळजी घेतली पाहिजे, तसेच अतिवेगाने वाहन चालविल्याने अपघात कशे घडतात याबद्दल पीपीटी द्वारे मार्गदर्शन केले. हा कार्यक्रम म्हणजे भारतातील रस्ते सुरक्षेला चालना देण्यासाठी अतिशय उपयुक्त आहे असेही ते म्हणाले. दिव्येश उबाळे यांनी भारतातील नामवंत विद्यालयात रस्ता सुरक्षेविषयी मार्गदर्शन केले आहे. कार्यक्रमाला कॉलेजमधील शंभर विद्यार्थ्यांचे उपस्थिती होती मुलांच्या मनातील शंकांना त्यांनी यथोचित उत्तरे देऊन त्यांचे समाधान केले. यावेळेस कार्यक्रमाचे संचालन अनिल फेंडर यांनी केले. या कार्यक्रमाकरिता उपप्रादेशिक परिवहन अधिकारी यवतमाळ ज्ञानेश्वर हिर्डे, प्राचार्य डॉ रामचंद्र तत्ववादी, तसेच महाविद्यालयाचे रा.से.यो कार्यक्रम अधिकारी अविनाश गायकवाड, निलेश दीक्षित, सुरेश पचकाटे, मंगेश जवळकर, विठल भरशंकर इत्यादींचे सहकार्य लाभले.

अधिक माहिती...
15
Jan 23
" जनसेवा फाऊंडेशन तर्फे तील संक्रांत पारधी बेडा वाघाडी येथे कार्यक्रम"

आज दिनांक १५/१/२०२३ रोज रविवार ला वाघाडी पारधी बेडा येथे जनसेवा फाऊंडेशन च्या महिला तर्फे तील संक्रांत हा उपक्रम घेण्यात आला. " तीळ गुळ घ्या गोड गोड बोला" आपल्या समाजातील अनेक असे घटक आहे की आजही ते संपूर्ण मागासवर्गीय आहेत त्यांना समाजाच्या मुख्य प्रवाहात आणून चांगले संस्कार करून त्यांना आपल्या हिंदू समाजातील प्रत्येक सणाचे महत्त्व काय आहे व हा सण का साजरा करण्यात येते या बाबत जनसेवा फाऊंडेशन च्या महिला आघाडी यांनी पुढाकार घेऊन पारधी समाजात तील संक्रांत कार्यक्रम त्यांना या सना बाबत समजावून सांगण्यात आले. कार्यक्रमाच्या अध्यक्षस्थानी सौ. किशोरी ताई केळापुरे मॅडम, सूत्रसंचालन कु. शुभांगी साळवे मॅडम यांनी केले. कार्यक्रमाच्या अध्यक्षयांनी महिलांना या सना बाबत अनमोल अशी माहिती देऊन सर्व महिलांना मार्गदर्शन केले. कार्यक्रमाला संस्थेचे अध्यक्ष श्री. रामचंद्र ढोबळे, सचिव डॉ.भूषण कुमार ढोबळे, संस्थेचे संचालक श्री.अभय जी जोशी, श्री. सुभाष जी सगने, श्री. विशाल भाऊ धनकसार. पारधी वसतिगृह च्या अध्यक्ष सौ. पपीता माळवे , श्री. ईशु भाऊ माळवे तर आभार प्रदर्शन डॉ. मिनाक्षी ढोबळे यांनी केले. संस्थेचे मार्गदर्शक श्री. मोहनराव केळापुरे सर यांच्या मार्गदर्शनाखाली घेण्यात आला.

अधिक माहिती...
अनामवीरांची माहिती (Unsung Hero's)
  • लुईस फर्नांडिस

    यांचा जन्म १९२६ मध्ये मुंबई येथे झाला. भारतीय नौसेनेने पुकारलेल्या बंडखोरीच्या समर्थनार्थ झालेल्या एका निदर्शनात ते सामील झाले. २२ फेब्रुवारी १९४६ रोजी पोलिसांनी केलेल्या गोळीबारात ते गंभीर जखमी झाले आणि त्यांचा मृत्यू झाला.


    संदर्भ - स्वातंत्र्यसमरातील महाराष्ट्राचे योगदान


  • लक्ष्मी थेरे

     यांचा जन्म १९२५ मध्ये वर्धा येथे झाला. १९४२ च्या छोडो भारत आंदोलनात यांनी सक्रिय सहभाग घेतला. तसेच ब्रिटिशां- विरोधी विविध कारवायांमध्ये सहभाग घेतला१४ ऑगस्ट रोजी नागपुरात ब्रिटिशांना भारतातून हद्दपार करण्याच्या मागणीसाठी झालेल्या निदर्शनात ते सामील झाले. त्यात निदर्शकांवर सैन्याने रणगाड्यांमधून केलेल्या गोळीबारात ते गंभीर जखमी झाले आणि त्यांचा जागीच मृत्यू झाला.


    संदर्भ - स्वातंत्र्यसमरातील महाराष्ट्राचे योगदान


  • लक्ष्मण

      यांचा जन्म १८९० मध्ये नागपूर येथे झाला. १९४२ च्या छोडो भारत आंदोलनात यांनी सक्रिय सहभाग घेतला. तसेच ब्रिटिशांविरोधी विविध कारवायांमध्ये सहभाग घेतला. दिनांक १४ ऑगस्ट रोजी नागपुरात ब्रिटिशांना भारतातून हद्दपार करण्याच्या मागणीसाठी झालेल्या निदर्शनात ते सामील झाले. त्यावेळी निदर्शकांवर सैन्याच्या रणगाड्यांमधून झालेल्या गोळीबारात ते गंभीर जखमी झाले आणि त्यांचा जागीच मृत्यू झाला.


    संदर्भ - स्वातंत्र्यसमरातील महाराष्ट्राचे योगदान


  • झोरवान सिंग

    हे मुंबई येथील रहिवासी, १८५७ साली ते ब्रिटिश राजवटीविरुद्ध क्रांतिकारकांना सामील झाले. त्यांना हत्यारांची मदत केली आणि इतरांनासुद्धा या लढ्यात सामील व्हावे म्हणून त्यांना प्रोत्साहीत केले. ब्रिटिश खजिना आणि शस्त्रे लुटायची क्रांतिकारकांना ती पुरवायची असे काम त्यांनी केले. त्यांना पकडले गेल्यावर त्यांच्यावर ब्रिटिश राजवटीच्या विरोधात बंडाचा आरोप ठेवण्यात आला. सप्टेंबर, १८५७ मध्ये त्यांना १० वर्षांच्या काळ्या पाण्याची शिक्षा ठोठावण्यात आली आणि १८५८ मध्ये अंदमानला पाठवण्यात आले. अटकेत असताना जानेवारी १८५९ रोजी त्यांचा मृत्यू झाला.




    संदर्भ - स्वातंत्र्यसमरातील महाराष्ट्राचे योगदान


  • झाकीउद्दिन सुलेमानजी

    हे मुंबईचे रहिवासी होते. भारतीय नौसेनेच्या समर्थनार्थ झालेल्या एका निदर्शनात ते सामील झाले. दिनांक २२ फेब्रुवारी १९४६ रोजी पोलिसांनी केलेल्या गोळाबारात ते गंभीर जखमी झाले आणि २४ फेब्रुवारी रोजी त्यांचा मृत्यू झाला.




    संदर्भ - स्वातंत्र्यसमरातील महाराष्ट्राचे योगदान