• कुष्ठरोग जनजागृतीसाठी "रन फॉर लेप्रसी" मॅरथॉन स्पधेचे आयोजन नवे संकल्प

    जिल्हाधिकारी कार्यालय कोल्हापूर


    "स्पर्श” कुष्ठरोग जनजागृती अभियान - २०२३ ची सुरुवात कुष्ठरोग जनजागृतीसाठी "रन फॉर लेप्रसी" मॅरथॉन स्पधेचे आयोजन "स्पर्श" कुष्ठरोग जनजागृती अभियान अंर्तगत राष्ट्रपिता महात्मा गांधीजी यांच्या पुण्यतिथी निमित्त दि. ३० जानेवारी "कुष्ठरोग निवारण दिन" तसेच ३० जानेवारी ते १३ फेब्रुवारी २०२३ दरम्यान पंधरवडा साजरा करण्यात येणार आहे. या पंधरवडयामध्ये जिल्ह्यात विविध कुष्ठरोग जनजागृतीपर उपक्रम राबवण्यात येणार आहेत.याचाच एक भाग म्हणून ३० जानेवारी २०२३ रोजी राष्ट्रपिता महात्मा गांधीजी यांच्या पुण्यतिथी निमित्त मा. सहसंचालक आरोग्य सेवा (कुष्ठ व क्षय) पुणे यांच्या मार्गदर्शक सुचनेनुसार सहाय्यक संचालक, आरोग्य सेवा (कुष्ठरोग) कोल्हापूर अंतर्गत पर्यवेक्षकीय नागरी कुष्ठरोग पथक, शेंडापार्क, कोल्हापूर यांचे मार्फत कोल्हापूर शहरात "रन फॉर लेप्रसी" ही मॅरथॉन स्पर्धा आरोग्य व कुटुंब कल्याण प्रशिक्षण केंद्र, शेंडापार्क येथे सकाळी ८.०० वा. आयोजित करण्यात आली. उपसंचालक, आरोग्य सेवा, कोल्हापूर मंडळ, मा. डॉ. प्रेमचंद कांबळे, जिल्हा आरोग्य अधिकारी, जि. प. कोल्हापूर डॉ. योगेश साळे, यांचे हस्ते हिरवा झेंडा दाखवून मॅरेथॉन स्पर्धेस आरंभ करण्यात आला. "रन फॉर लेप्रसी स्पर्धेत कोल्हापूर शहरातील २४ शाळांमधून १४ ते १७ वयोगटातील एकूण १०८ मुला-मुलींनी सहभाग घेतला ( ७६ मुले व ३२ मुली). सकाळी ८ वा. मुलांची व मुलींची स्वतंत्र स्पर्धा ५ किमी पर्यंत दौड आयोजित करण्यात आली. मुले व मुलींना मोफत टी-शर्ट पुरवठा करण्यात आले. या कार्यक्रमावेळी राष्ट्रपिता महात्मा गांधी यांच्या प्रतिमेस पुष्पहार अर्पण करून दीपप्रज्वलन करण्यात आले. उपस्थितांनी "कुष्ठरोगाविषयी" (कुष्ठरोग बाधित व्यक्तीचा सामाजिक भेदभाव करणार नाही) प्रतिज्ञा घेण्यात आली. मॅरेथॉन स्पर्धेचे बक्षिस वितरण मान्यवरांच्या हस्ते कुटुंब कल्याण प्रशिक्षण केंद्राच्या सभागृहात करण्यात आले. या कार्यक्रमावेळी उपसंचालक, आरोग्य सेवा, कोल्हापूर मंडळ, कोल्हापूर मा. डॉ. प्रेमचंद कांबळे, जिल्हा आरोग्य अधिकारी, मा. डॉ. योगेश साळे, सहाय्यक संचालक, आ. से..(कुष्ठरोग) डॉ.उषा जी. कुंभार, आरोग्य अधिकारी कोल्हापूर मनपा डॉ. रमेश जाधव, जिल्हा अॅथलेटिक असोसिएशन कोल्हापूर, श्री. फराकटे सर, वै.अ.प.-ना.कु.प. कोल्हापूर डॉ. हेमलता पालेकर, वै. अ. डी. एन. टी. सहा.सं.आ. से. (कुष्ठरोग) डॉ. परवेझ पटेल, कोल्हापूर, , वै. अ. क्षयरोग कोल्हापूर डॉ. विनायक भोई उपस्थितीत होते. "रन फॉर लेप्रसी" कुष्ठरोग मॅरेथॉन स्पर्धा जिंकलेल्या प्रथम तीन मुलांची नांवे पुढील प्रमाणे - प्रथम क्रमांक कु. प्रणव हणमंत पाटील, शा. कृ. पंत वालावलकर हायस्कुल, कोल्हापूर (४००० रु.), दुसरा क्रमांक कु. रोहित तानाजी चांदेकर, महाराष्ट्र हायस्कुल, कोल्हापूर, (२५०० रु.), तृतीय क्रमांक कु. श्रेयश विनायक गायकवाड, सुसंस्कार विद्यालय, कोलापूर (१५०० रु.), तसेच जिंकलेल्या तीन मुलींची नांवे पुढीलप्रमाणे. - प्रथम क्रमांक कु. संस्कृती शिवाजी प्रभू – उषांराजे हायस्कुल, कोल्हापूर (४०००रु)., दुसरा क्रमांक कु. देविका प्रविण देसाई, उषाराजे हायस्कुल, कोल्हापूर.( २५००रु.) तृतीय क्रमांक कु. सारिका भागोजी कोळपटे ,सुसंस्कार विद्यालय, कोल्हापूर. (१५००रु.). स्पर्धेत सर्व सहभागी झालेल्या मुले व मुलींना प्रशस्तीपत्र देण्यात आली.


  • जिल्हा प्रशासनाच्या वतीने राष्ट्रीय मतदार दिन अंमलबजावणी

    जिल्हाधिकारी कार्यालय कोल्हापूर


    युवा पिढी ही देशाची शक्ती आहे. देशाच्या उज्वल भविष्यासाठी प्रत्येक युवकाने मतदार नोंदणी करुन घेवून मतदान प्रक्रियेत सहभागी व्हावे, असे आवाहन जिल्हा परिषदेचे मुख्य कार्यकारी अधिकारी संजयसिंह चव्हाण यांनी केले. जिल्हा प्रशासनाच्या वतीने राष्ट्रीय मतदार दिनानिमित्त श्री स्वामी विवेकानंद महाविद्यालयात आयोजित कार्यक्रमात श्री. चव्हाण बोलत होते. यावेळी अपर जिल्हाधिकारी संजय शिंदे, उपजिल्हा निवडणूक अधिकारी भगवान कांबळे, करवीर विभागाचे उपविभागीय अधिकारी वैभव नावडकर, मैत्री संघटनेच्या अध्यक्ष मयुरी आळवेकर, श्री स्वामी विवेकानंद महाविद्यालयाचे प्राचार्य आर.आर. कुंभार, तहसीलदार कल्पना ढवळे आदी प्रमुख उपस्थित होते. कार्यक्रमात निवडणुक प्रक्रिया, मतदार नोंदणी व मतदार जनजागृतीसाठी उत्कृष्ट काम केलेले अधिकारी, कर्मचारी व विद्यार्थ्यांना मान्यवरांच्या हस्ते प्रमाणपत्र देऊन सन्मानित करण्यात आले. मुख्य कार्यकारी अधिकारी संजयसिंह चव्हाण म्हणाले, आपले व देशाचे उज्वल भविष्य घडवण्यात मतदान प्रक्रिया महत्वपूर्ण आहे. लोकशाही व्यवस्था मजबूत करण्यासाठी प्रत्येक मतदाराने मतदान करणे आवश्यक आहे. कोल्हापूरचे नागरिक मतदानाबाबत जागरुक असून येथे इर्षेने चांगल्या टक्केवारीने मतदान होते, असे सांगून मतदारांनी कोणत्याही आमिषाला अथवा प्रलोभनाला बळी न पडता मतदानाचे मूलभूत कर्तव्य पार पाडावे, असे ते म्हणाले. अपर जिल्हाधिकारी संजय शिंदे म्हणाले, मतदान प्रक्रियेत प्रत्येक मताला महत्त्व आहे. वयाची 18 वर्षे पूर्ण झालेल्या प्रत्येक व्यक्तीने मतदार यादीत नावनोंदणी करुन घेऊन मतदानाचा हक्क बजावणे आवश्यक आहे. कोल्हापूर जिल्ह्यातील नागरिक मतदानाबाबत सजग असल्यामुळेच राज्यात सर्वाधिक मतदान या जिल्ह्यात होते. येत्या काळात आणखी जनजागृती करुन जिल्ह्याची मतदानाची टक्केवारी वाढवूया, असे आवाहन त्यांनी यावेळी केले. मयुरी आळवेकर म्हणाल्या, जिल्ह्यातील बहुतांशी तृतीयपंथी व्यक्तींना जिल्हा प्रशासनाकडून मतदार ओळखपत्र मिळाले आहे. तृतीयपंथीयांना मतदार ओळखपत्र मिळाले व मतदार यादीत नाव नोंदणी झाली त्यामुळे लोकशाही व्यवस्थेत मतदानाचा हक्क बजावता आला, ही बाब खूप आनंदाची आणि अविस्मरणीय असल्याचे त्यांनी सोदाहरणासह सांगितले. प्राचार्य आर. आर. कुंभार यांनी विद्यार्थ्यांना मतदार नोंदणी करण्याचे आवाहन केले. प्रास्ताविक उपजिल्हा निवडणूक अधिकारी भगवान कांबळे यांनी केले. आभार एनएसएस विभागाचे भरमगोंडा पाटील यांनी मानले.


  • “रेडक्रॉस” ने जपली सामाजिक बांधिलकी : 50 क्षयरुग्णांना घेतले दत्तक नवे संकल्प

    जिल्हाधिकारी कार्यालय कोल्हापूर


    इंडियन रेडक्रॉस सोसायटी शाखा, कोल्हापुर यांनी 50 क्षयरुग्णांना दत्तक घेतले. यातील 15 रुग्णांना जिल्हाधिकारी राहुल रेखावार यांच्या हस्ते प्रातिनिधिक स्वरुपात पोषण आहार कीटचे वाटप करण्यात आले. “रेडक्रॉस” च्या निर्णयाचे कौतुक करत समाजातील इतर दानशूर लोकांनीही अशा पद्धतीने या अभियानात सक्रीय सहभाग घ्यावा, असे आवाहन जिल्हाधिकारी राहुल रेखावार यांनी यावेळी केले. यावेळी जिल्हा क्षयरोग अधिकारी डॉ. उषा कुंभार, रेडक्रॉस कोल्हापुरचे सचिव सतीशराज जगदाळे, खजानिस महेंद्र परमार, शोभा तावडे, डॉ. विनायक भोई यांच्यासह मान्यवर उपस्थित होते. आरोग्य व कुटुंब कल्याण मंत्रालयाच्या राष्ट्रीय धोरणात्मक योजनेअंतर्गत 2025 पर्यंत क्षयरोगमुक्त भारताच्या उद्दीष्ट्यपूर्तीसाठी राष्ट्रपतीं यांनी प्रधानमंत्री टी. बी. मुक्त भारत अभियानाचा शुभारंभ केला. या योजनेअंतर्गत संस्था, उद्योग समुह, व्यक्ती, सामाजिक संस्था यांनी आपल्या तालुक्यातील किंवा कार्यक्षेत्रातील क्षयरुग्णांना पोषण आहार देऊन किमान सहा महिन्यांसाठी दत्तक घेवून सहभाग नोंदवावा, असे आवाहन जिल्हा क्षयरोग अधिकारी डॉ.उषा कुंभार यांनी केले होते. प्रधानमंत्री नरेंद्र मोदी यांनी 2025 पर्यंत क्षयरोगाचे निराकरण करण्याचे धोरण निश्चित केले आहे. ज्या व्यक्तीचा आहार पोषक नाही अशा व्यक्तींमध्ये क्षयरोगाचे प्रमाण अधिक असते. अशा व्यक्तींना उपचार कालावधीत पोषण आहार मिळाला नाही तर त्यांना उपचार मिळूनही त्याचे सकारात्मक परिणाम दिसून येतातच असे नाही. यामुळे क्षयरुग्णांमध्ये पोषक आहार हा अत्यंत महत्वाचा घटक आहे. भारत सरकारच्या मार्गदर्शक सूचनांप्रमाणे क्षयरुग्णांसाठी फूड बास्केट तयार करण्यात आली आहेत. पोषण आहार घेण्याची अनेक रुग्णांची आर्थिक परिस्थिती नसते. त्यामुळे समाजातील दानशूर व्यक्ती, संस्था यांनी पुढाकार घेऊन पोषण आहारासाठी मदत करावी, असे आवाहन आरोग्य विभागामार्फत करण्यात आले आहे.


  • गगनबावडा येथील शासकीय निवासी शाळेत कला व क्रीडा अविष्कार कार्यक्रम नवे संकल्प

    जिल्हाधिकारी कार्यालय कोल्हापूर


    समाज कल्याण अंतर्गत असणाऱ्या शासकीय निवासी शाळेतील विद्यार्थ्यांचा सर्वांगीण विकास करण्यासाठी नवनवीन उपक्रम राबविले जातात. सन 2022-23 या शैक्षणिक वर्षात विद्यार्थ्यांच्या कलागुणांना वाव मिळावा तसेच क्रीडानैपुण्य विकसित होण्यासाठी कला व क्रीडा अविष्कार या कार्यक्रमाचे आयोजन शासकीय निवासी शाळा गगनबावडा येथे करण्यात आले होते.


  • वाहतुकीचे नियम पाळा अपघाताला टाळा: दिव्येश उबाळे रस्ता सुरक्षा सप्ताह निमित्त व्याख्यान अंमलबजावणी

    जिल्हाधिकारी कार्यालय यवतमाळ


    रस्ता सुरक्षा बाबत लोकांमध्ये जनजागृती व्हावी या उद्देशाने यावर्षी देशात 11 जानेवारी ते 17 जानेवारी २०२३ या कालावधीमध्ये रस्ता सुरक्षा सप्ताह साजरा केला जातोय. याच रस्ता सुरक्षा सप्ताहातील एक उपक्रम म्हणजे लोकांना वाहन चालवताना घ्यावयाच्या काळजी बद्दल जागृती निर्माण करणे. रस्ता सुरक्षा सप्ताहच्या निमित्ताने यवतमाळ आरटीओ येथील सहाय्यक मोटर वाहन निरीक्षक श्री दिव्येश उबाळे यांनी संत गाडगेबाबा अमरावती विद्यापीठ अंतर्गत येणारे जवाहरलाल दर्डा इन्स्टिट्यूट ऑफ इंजीनियरिंग अँड टेक्नॉलॉजी यवतमाळ येथे रस्ता सुरक्षेवर व्याख्यान दिले. यावेळेस बोलताना त्यांनी सुरक्षित ड्रायव्हिंग चे महत्व व वाहन चालवतांना घ्यावयाची काळजी याबद्दल मुलांना मार्गदर्शन केले. वाहन चालवताना हेल्मेट, सीटबेल्ट वापरण्याचे फायदे तसेच रस्त्यावर चालतांना पादचाऱ्यांनी काय काळजी घेतली पाहिजे, तसेच अतिवेगाने वाहन चालविल्याने अपघात कशे घडतात याबद्दल पीपीटी द्वारे मार्गदर्शन केले. हा कार्यक्रम म्हणजे भारतातील रस्ते सुरक्षेला चालना देण्यासाठी अतिशय उपयुक्त आहे असेही ते म्हणाले. दिव्येश उबाळे यांनी भारतातील नामवंत विद्यालयात रस्ता सुरक्षेविषयी मार्गदर्शन केले आहे. कार्यक्रमाला कॉलेजमधील शंभर विद्यार्थ्यांचे उपस्थिती होती मुलांच्या मनातील शंकांना त्यांनी यथोचित उत्तरे देऊन त्यांचे समाधान केले. यावेळेस कार्यक्रमाचे संचालन अनिल फेंडर यांनी केले. या कार्यक्रमाकरिता उपप्रादेशिक परिवहन अधिकारी यवतमाळ ज्ञानेश्वर हिर्डे, प्राचार्य डॉ रामचंद्र तत्ववादी, तसेच महाविद्यालयाचे रा.से.यो कार्यक्रम अधिकारी अविनाश गायकवाड, निलेश दीक्षित, सुरेश पचकाटे, मंगेश जवळकर, विठल भरशंकर इत्यादींचे सहकार्य लाभले.


  • " जनसेवा फाऊंडेशन तर्फे तील संक्रांत पारधी बेडा वाघाडी येथे कार्यक्रम" अंमलबजावणी

    जिल्हाधिकारी कार्यालय यवतमाळ


    आज दिनांक १५/१/२०२३ रोज रविवार ला वाघाडी पारधी बेडा येथे जनसेवा फाऊंडेशन च्या महिला तर्फे तील संक्रांत हा उपक्रम घेण्यात आला. " तीळ गुळ घ्या गोड गोड बोला" आपल्या समाजातील अनेक असे घटक आहे की आजही ते संपूर्ण मागासवर्गीय आहेत त्यांना समाजाच्या मुख्य प्रवाहात आणून चांगले संस्कार करून त्यांना आपल्या हिंदू समाजातील प्रत्येक सणाचे महत्त्व काय आहे व हा सण का साजरा करण्यात येते या बाबत जनसेवा फाऊंडेशन च्या महिला आघाडी यांनी पुढाकार घेऊन पारधी समाजात तील संक्रांत कार्यक्रम त्यांना या सना बाबत समजावून सांगण्यात आले. कार्यक्रमाच्या अध्यक्षस्थानी सौ. किशोरी ताई केळापुरे मॅडम, सूत्रसंचालन कु. शुभांगी साळवे मॅडम यांनी केले. कार्यक्रमाच्या अध्यक्षयांनी महिलांना या सना बाबत अनमोल अशी माहिती देऊन सर्व महिलांना मार्गदर्शन केले. कार्यक्रमाला संस्थेचे अध्यक्ष श्री. रामचंद्र ढोबळे, सचिव डॉ.भूषण कुमार ढोबळे, संस्थेचे संचालक श्री.अभय जी जोशी, श्री. सुभाष जी सगने, श्री. विशाल भाऊ धनकसार. पारधी वसतिगृह च्या अध्यक्ष सौ. पपीता माळवे , श्री. ईशु भाऊ माळवे तर आभार प्रदर्शन डॉ. मिनाक्षी ढोबळे यांनी केले. संस्थेचे मार्गदर्शक श्री. मोहनराव केळापुरे सर यांच्या मार्गदर्शनाखाली घेण्यात आला.


  • राष्ट्रीय तृणधान्य दिवस कार्यक्रम अंमलबजावणी

    जिल्हा परिषद यवतमाळ


    स्वातंत्र्याचा अमृत महोत्सव अंतर्गत मा. पंतप्रधान नरेंद्र मोदी यांचा भारतीय धान्याचा गौरव कार्यक्रम राष्ट्रीय तृणधान्य दिवस कार्यक्रम आज 14 जानेवारी 2023 ला सर्व शाळांमधून घेण्यात आला जिल्हा परिषद शाळा गण गाव तालुका आर्णी येथे घेण्यात आलेला कार्यक्रम.


  • पालक सभा व टॅब वितरण सोहळा अंमलबजावणी

    जिल्हाधिकारी कार्यालय यवतमाळ


    युवक मंडळ पुसद द्वारा संचालित विमुक्त जाती प्राथमिक आश्रमशाळा मोहा ई.ता.पुसद जिल्हा यवतमाळ येथे दिनांक 14/01/2023 ला पालक सभा व टॅब वितरण सोहळा या कार्यक्रमाचे अध्यक्ष म्हणून युवक मंडळ पुसद चे नवनिर्वाचित सदस्य युवा नेतृत्व श्री देवभाऊ विजय जाधव व प्रमुख अतिथी म्हणून ग्रा. प.मोहा ई.सरपंच सौ वर्षाताई राजू मनवर व उपसरपंच सौ सुशिलाताई निलेश राठोड श्री राजू मनवर तसेच गावातील पालक उपस्थित होते वर्ग 5 ते 8 च्या विध्यार्थ्यांना टॅब वाटप करण्यात आले कार्यक्रमाचे प्रास्ताविक मुख्याध्यापक श्री आर .पी.गोडबोले सर यांनी केले तसेच सूत्रसंचालन श्री डि. आर. पारडे सर यांनी केले आभार प्रदर्शन श्री एम. जे.राठोड सर यांनी मानले कार्यक्रमाच्या यशस्वीतेसाठी सर्व शिक्षक शिक्षकेत्तर कर्मचारी यांनी अथक परिश्रम घेतले


  • लीनेस क्लब यवतमाळ येथील नवीन कार्यकारणीचा पद ग्रहण समारंभ संपन्न अंमलबजावणी

    जिल्हाधिकारी कार्यालय यवतमाळ


    लीनेस क्लब यवतमाळ येथील नवीन कार्यकारणीचा पद ग्रहण समारोह दिनांक 12 जानेवारी 2023 ला रामदेव बाबा मंदिरच्या प्रांगणात संपन्न झाला. दीप प्रज्वलाने कार्यक्रमाची सुरुवात होऊन माजी अध्यक्षा कल्पना कोळसेने वर्ष 2023 साठी आपला पदभार लीनेस नीलू मुंदडाला सोपवला. लिनेस विना देशपांडे नी सचिव पदाचा कार्यभार लीनेस काजल जयपुरीयाला यांना दिला. कोषाध्यक्ष ललिता घोडे यांनी लीनेस सुजया बिजवे यांचेकडे कोषाध्यक्ष पद सोपविले. उपाध्यक्ष पद लीनेस शोभा दोडेवार आणि लीनेस विना देशपांडे झाल्या. तसेच सहसचिव लीनेस अर्चना शर्मा व सह कोषाध्यक्ष लीनेस प्रीती अग्रवाल, पी. आर. ओ. लीनेस छाया राठी, टेमर लीनेस सुनिता भोयर, जन्मदिन समिती लीनेस दीपा गुप्ता, स्थायी प्रकल्प लीनेस कल्पना कोळसे, लीनेस विना देशपांडे, लीनेस विद्या खडसे, लीनेस प्रांजली ढुमे, लीनेस मनीषा बागडी, लीनेस माला टाके, सेवा सप्ताह लीनेस कविता कोठारी, लीनेस उज्वला भाविक, यांना शपथ देण्यात आली. पूर्व प्रांताध्यक्ष लीनेस शुभदाजी रुद्रकार यांनी सर्वांना पदाचे महत्त्व समजावून शपथविधी घडवून आणला. मुख्य अतिथी म्हणून प्रांताअध्यक्ष लीनेस चंचलाजी बजाज यांनी मार्गदर्शन केले. इंडक्शन ऑफिसर आणि भूतपूर्व प्रांताअध्यक्ष लीनेस नीलिमा मंत्री यांनी नवीन 30 मेंबर्स यांना क्लबचे सेवा कार्य समजावून शपथ दिली. लीनेस शोभा गट्टाणी यांनी नवीन कार्यकारणीला शुभेच्छा दिल्या. डॉक्टर सारिका शहा यांच्या कडून नेत्ररोग आणि डायबिटीस ची माहिती देण्यात आली. अतिथी म्हणून लीनेस पुष्पाजी पालडीवाल होत्या. मंच संचालन लीनेस वंदना देशपांडे आणि लीनेस कविता कोठारी यांनी केले. आभार प्रदर्शन लीनेस काजल जयपुरिया यांनी केले. सदर माहिती क्लबच्या पी. आर. ओ. लीनेस छाया राठी यांनी दिली आहे.


  • आयुष्मान भारत कॅम लावून लोकांना गोल्डन कार्ड वाटप अंमलबजावणी

    जिल्हा परिषद यवतमाळ


    आज दि 14/1/2023 रोजी ग्राम प. साखरा इथे आयुष्मान भारत कॅम लावून लोकांना गोल्डन कार्ड वाटप करण्यात येत आहे उमरखेड


  • निवडणूक निरीक्षकांकडून निवडणूक पूर्वतयारीचा आढावा *मतदान केंद्रांचीही पाहणी* अंमलबजावणी

    जिल्हाधिकारी कार्यालय यवतमाळ


    पदवीधर मतदारसंघ निवडणूकीच्या आदर्श आचारसंहितेचे काटेकोर पालन होण्यासाठी सर्वंकष प्रयत्न करावेत, असे निर्देश निवडणूक निरीक्षक पंकज कुमार यांनी आज येथे दिले. निवडणुकीच्या अनुषंगाने निरीक्षक श्री. पंकजकुमार यांचे आज आगमन झाले. त्यांनी आज जिल्हाधिकारी कार्यालयातील महसुल भवन येथे निवडणूक प्रशासनाची बैठक घेऊन विविध कामांचा आढावा घेतला. तसेच विविध मतदान केंद्रांना भेट देऊन पाहणी केली. या बैठकिला जिल्हाधिकारी अमोल येडगे, अप्पर जिल्हाधिकारी प्रमोद सिंह दुबे, निवासी उपजिल्हाधिकारी ललितकुमार वऱ्हाडे, उपजिल्हाधिकारी निवडणूक स्नेहल कनिचे आदी उपस्थित होते. बैठकीत प्रशासनाकडून करण्यात आलेली पूर्वतयारी, मतदान केंद्रे, मतदार संख्या, आदर्श आचारसंहिता कक्ष, माध्यम प्रमाणीकरण व संनियंत्रण समिती, प्रशिक्षण कार्यक्रम, निवडणुक कर्मचारी संख्या, आदी विविध बाबींची माहिती निवडणूक निरीक्षकांनी घेतली. आदर्श आचारसंहितेचे पालन होण्याच्या दृष्टीने काटेकोर कार्यवाही व्हावी, असे निर्देश त्यांनी दिले. पदवीधर निवडणूक ही लोकसभा आणि विधानसभा निवडणूकीपेक्षा वेगळी आहे. यात मतदान यंत्राचा वापर न होता मतपत्रिकेद्वारे मतदान केले जाते. मतदारांना पसंती क्रमानुसार मतपत्रिकेवर मतदान करावे लागत असल्यामुळे मतदारांनी मतदान कसे करावे याबाबत त्यांना माहिती द्यावी. तसेच मतदान केंद्र अधिकारी व चमु यांना अतिशय काळजीपुर्वक प्रशिक्षण देण्यात यावे असे निर्देशही श्री. पंकजकुमार यांनी दिले. तत्पूर्वी नियोजित मतदान केंद्रांच्या अनुषंगाने बाभुळगाव येथिल तहसिल कार्यालयातील मतदान केंद्र, यवतमाळ शहरातील अभ्यंकर कन्या शाळा, विवेकानंद विद्यालय, राणी लक्ष्मीबाई विद्यालय या मतदान केंद्राची निवडणूक निरीक्षक श्री. पंकज कुमार यांनी पाहणी केली. बैठकीला उपजिल्हा निवडणूक अधिकारी उपजिल्हाधिकारी सविता चौधर, संगिता राठोड, सुदर्शन गायकवाड, जिल्हा पुरवठा अधिकारी सुधाकर पवार,कार्यकारी अभियंता डी व्ही मुकडे, जिल्हा माहिती अधिकारी मनिषा सावळे, उपजिल्हाधिकारी बी बी बिबे, तहसिलदार कुणाल झाल्टे आदी नोडल अधिकारी उपस्थित होते.


  • *जिल्हास्तरीय बँकर्स समन्वय समितीची बैठक* अंमलबजावणी

    जिल्हाधिकारी कार्यालय यवतमाळ


    जिल्हास्तरीय बँकर्स समन्वय समितीची बैठक आज जिल्हाधिकारी यांच्या अध्यक्षतेखाली पार पडली. यावेळी सर्व बँकांच्या विभागिय व्यवस्थापकांनी शिक्षण, घर, लघु उद्योग आणि शासनाच्या सर्व योजनांसाठी कर्ज लक्षांक वाढवावा. तसेच कर्ज प्रकरणे निकाली काढण्यासाठी रिझर्व्ह बँकेने घालुन दिलेली १५ ते ४५ दिवसाच्या मर्यादेचे काटेकोर पालन करण्याच्या सुचना जिल्हाधिकारी अमोल येडगे यांनी दिल्यात. आज जिल्हाधिकारी कार्यालयातील महसूल भवन येथे पार पडलेल्या बैठकीत अप्पर जिल्हाधिकारी प्रमोदसिंह दुबे, रिझर्व बँक ऑफ इंडिया नागपूरचे व्यवस्थापक राजकुमार जयस्वाल, लीड बँक व्यवस्थापक अमर गजभिये, नाबार्डचे जिल्हा महाव्यवस्थापक दीपक पेंदाम, आर सी टी चे संचालक विजयकुमार भगत, स्टेट बँक ऑफ इंडिया चे विभागीय व्यवस्थापक मृत्युंजय पांडा, फिरोज ताडवी, आर एम सोमकुवर, प्रदीप ठाकूर, जिल्हा उपनिबंधक नानासाहेब चव्हाण इत्यादी मान्यवर उपस्थित होते. ग्रामीण भागातील विद्यार्थी आणि शेतकऱ्यांच्या मुलांना व्यावसायिक अभ्यासक्रमासाठी, तसेच घरकुल योजनेतील लाभार्थ्यांना घरासाठी कर्ज उपलब्ध करुन द्यावे. मुख्यमंत्री रोजगार निर्मिती कार्यक्रम, प्रधानमंत्री रोजगार निर्मिती कार्यक्रम, प्रधानमंत्री सुक्ष्म अन्नप्रक्रिया उद्योग, गाय म्हैस व बकरी गट वाटप योजना, लोकशाहीर अण्णाभाऊ साठे महामंडळाच्या योजना, तसेच इतर सर्व शासकीय योजनांसाठी कर्ज प्रकरणे करणाऱ्या लाभार्थ्यांना कर्ज उपलब्ध करून द्यावे. कर्ज प्रकरणे निकाली काढण्याच्या कालावधीची मर्यादा पाळण्यात यावी. तसेच कर्ज प्रस्ताव नाकारण्याची कारणे सविस्तरपणे कर्ज मागणा-यांना कळवावी अशा सुचना श्री येडगे यांनी दिल्यात. बँकांनी शासकीय कार्यालय आणि बँक व्यवस्थापकांशी योग्य समन्वय ठेवून प्रकरणे निकाली काढावीत. कर्ज प्रकरणात नादार होण्याचे प्रमाण मोठे आहे. यासाठी सुद्धा एक शिस्तबद्ध कार्यक्रम राबवावा असे निर्देश जिल्हाधिकारी यांनी दिलेत. सर्व बँकांच्या विभागीय व्यवस्थापकांनी जिल्ह्यातील सर्व बँकांचे शाखा व्यवस्थापक म्हणुन जबाबदार अधिकारी नेमावेत असेही श्री येडगे यावेळी म्हणालेत. या बैठकीला सर्व बँकांचे रिजनल मॅनेजर, जिल्हा ग्रामीण विकास यंत्रणेच्या प्रकल्प संचालक वैशाली रसाळ, जिल्हा पशुसंवर्धन अधिकारी क्रांती काटोले जिल्हा उद्योग केंद्राचे महाव्यवस्थापक, खादी व ग्रामोद्योगचे अधिकारी उपस्थित होते.


  • आरटीओ विभागामार्फत महामार्गावर चालकाची त्रैमासिक नेत्र व आरोग्य तपासणी नावीन्यपूर्ण कल्पना

    जिल्हाधिकारी कार्यालय कोल्हापूर


    फक्त वाहतूक सुरक्षा सप्ताह दरम्यान नव्हे तर महामार्गावर वाहन चालकाची त्रैमासिक नेत्र व आरोग्य तपासणी यंत्रणा उप प्रादेशिक विभागामार्फत कार्यरत रहावी आणि पायलेट प्रोजेक्ट म्हणून कोल्हापूरमधून याचा प्रारंभ व्हावा ,अशी अपेक्षा सहाय्यक प्रादेशिक परिवहन अधिकारी रोहित काटकर यांनी व्यक्त केली .निमित्त होते रस्ता सुरक्षा अभियान मोहिमेचे ... कागल आरटीओ चेकपोस्ट येथे वाहन चालक - कार्यालयीन कर्मचारी - स्थानिक ग्रामस्थांचे डोळे तपासणी शिबिरात ते बोलत होते. कार्यक्रमाच्या अध्यक्षस्थानी विभागीय माहिती कार्यालयाचे उप संचालक डॉ. संभाजी खराट होते . या प्रसंगी श्री. काटकर यांनी उप प्रादेशिक परिवहन कार्यालय ( कोल्हापूर ) तर्फे या सप्ताह निमित्ताने राबविण्यात येणाऱ्या विविध उपक्रमाची माहिती दिली तर डॉ. खराट म्हणाले, वाहन चालवणे ही फार मोठी सामाजिक जबाबदारी आहे. याकरिता व्यापक प्रबोधन व्हावे, यासाठी सर्वांनी सामुहिक प्रयत्न करावे, असे आवाहन करुन कोल्हापूर आर टी ओ ने रस्ता सुरक्षा सप्ताह निमित्ताने राबविलेल्या या उपक्रमाचे कौतुक केले . यावेळी बोलताना संतोष कुलकर्णी यांनी समाजातील विविध घटकांसह प्रशासकीय विविध जबाबदारी पार पाडणाऱ्या लोकांच्या आरोग्य तपासणी आणि इतर उपचारासाठी मानवतेच्या दृष्टीकोनातून वालावलकर हॉस्पिटल सदैव कार्यरत राहील, असे सांगितले . प्रारंभी उपस्थितांचे स्वागत विजयसिंह भोसले यांनी केले. यावेळी सहाय्यक संचालक (मा.) फारुक बागवान, विशाल बागडे, रोहन पांडकर, राहुल नलवडे, उदय केंबळे, वैभव तोरणे यांच्यासह इतर मोटर वाहन निरीक्षक तसेच डॉ. विरेंद्र वणकुद्रे, श्री पंत वालावलकर हॉस्पीटल, ( शिवाजी उधमनगर कोल्हापूर ) आरोग्य मित्र - शिबीर समन्वयक राजेंद्र मकोटे, अशोक माने, मनिषा रोटे, राहुल माने आदी मान्यवर उपस्थित होते .


  • हेल्मेट वापरा जीव वाचवा - जिल्हाधिकारी अंमलबजावणी

    जिल्हाधिकारी कार्यालय यवतमाळ


    कोरोना काळात प्राण वाचवण्यासाठी ज्या प्रकारे मास्क वापरण्याची काळजी घेतली जात होती, तशीच काळजी सध्या रस्त्यावर होणारे अपघात टाळण्यासाठी घेणे आवश्यक आहे. अतिवेग, गाडी चालवताना मोबाईलवर बोलणे, हेल्मेट न वापरणे, ट्रिपल सीट चालवणे या सगळ्या चुकीच्या कृत्यांमुळे आपण स्वतःचा आणि दुसऱ्याचा जीव धोक्यात घालतो. यापुढे तरुणांनी दुचाकी चालवताना हेल्मेटचा वापर अवश्य करावा असे आवाहन जिल्हाधिकारी अमोल येडगे यांनी केले. एपीजे अब्दुल कलाम अभ्यासिकेमध्ये रस्ता सुरक्षा अभियानाचा शुभारंभ करण्यात आला यावेळी जिल्हाधिकारी बोलत होते या कार्यक्रमाला जिल्हा पोलीस अधीक्षक पवन बनसोड एन एच आय चे प्रकल्प संचालक प्रकल्प अधिकारी हर्षद पारीक सार्वजनिक बांधकाम विभागाचे अधीक्षक अभियंता दीपक सोनटक्के परिवहन विभागाचे उपप्रादेशिक अधिकारी ज्ञानेश्वर हिरडे तसेच इतर अधिकारी उपस्थित होते उपस्थित तरुणांना मार्गदर्शन करताना जिल्हाधिकारी म्हणाले की देशात चार लाख 90 हजार अपघात झाले असून यामध्ये दीड लाख लोकांचा मृत्यू झाला आहे. यात जास्तीत जास्त अपघात हे दुचाकी वाहनांचे आहेत. यात झालेले मृत्यु हे केवळ हेल्मेट न वापरल्यामुळे झाले आहेत. सध्या रस्ते चांगले झालेले आहेत. मात्र त्याचा दुरुपयोग गाडी वेगाने पळवण्यात होतो आणि अति वेगामुळे गाडिवरचे नितंत्रण सुटुन वाहनचालक स्वतःचा आणि दुसऱ्यांचा जीव धोक्यात घालतात. मनाचे नियंत्रण उत्तम नियंत्रण आहे. लोकांनी स्वतःच्या मनावर नियंत्रण ठेवून वाहतुकीच्या सर्व नियमांचे पालन करावे. गाडी चालवताना मोबाईलवर बोलू नये स्टंट करण्याचे टाळावे, आपले शहर जिल्हा अपघातमुक्त जिल्हा करण्यासाठी तरुणांनी संकल्प करावा असेही जिल्हाधिकारी यावेळी म्हणाले. *अपघातग्रस्तांचे फोटो काढण्यापेक्षा जीव वाचविणे महत्वाचे* यावेळी बोलताना पोलीस अधीक्षक पवन बनसोड म्हणाले आपल्या देशातील नागरिक परदेशात गेल्यावर तिथल्या वाहतूक नियमांचे अगदी तंतोतंत पालन करतात मात्र तेच नागरिक भारतात परत आल्यावर येथील वाहतूक नियमांचे मात्र पालन करत नाहीत, ही शोकंतिका आहे. वाहतूक नियमांचे पालन होण्यासाठी शासनाने दंड दुप्पट केला. परंतु यामुळे अपघात थांबलेत किंवा वाहतूक नियमांचे पालन करण्याचे प्रमाण वाढले असे मात्र झालेले नाही. कारण एखाद्या कायद्याचे पालन व्हावे असे नागरिकांना जोपर्यंत वाटत नाही तोपर्यंत त्या कायद्याची अंमलबजावणी होऊ शकत नाही. त्यामुळे कायद्याची अंमलबजावणी होण्यासाठी नागरिकांनी स्वतःहून कायद्याचे पालन करणे आवश्यक आहे. एखादा अपघात झाल्यावर अपघातग्रस्ताचे फोटो काढण्यापेक्षा त्या अपघातग्रस्ताचा जीव वाचवणे जास्त महत्त्वाचे आहे. त्याच्यासाठी असलेला गोल्डन अवरचा उपयोग करून त्या अपघातग्रस्तला वेळीच वैद्यकीय उपचार मिळतील यासाठी पुढाकार घ्या. त्याचबरोबर एखाद्या चौकात वाहतूक खोळंबली असेल तर स्वतः स्वयंसेवक बनुन वाहतूक सुरळीत करण्यासाठी पोलिसांना मदत करा असे श्री बनसोड यावेळी म्हणाले. यावेळी हर्षित पारीक आणि दीपक सोनटक्के यांनी सुद्धा रस्ता सुरक्षेबाबत मार्गदर्शन केले. वाहतुक नियमांचे पालन करण्यासाठी तयार करण्यात आलेली पुस्तिकेचे यावेळी विमोचन करण्यात आले. उपप्रादेशिक परिवहन अधिकारी ज्ञानेश्वर हिरडे यांनी प्रास्ताविकातून रस्ता सुरक्षा अभियानाचे महत्त्व सांगितले. या कार्यक्रमाला वाहतुक पोलिस, महाविद्यालयीन विद्यार्थी आणि नागरिक उपस्थित होते.


  • हेल्मेट वापरा जीव वाचव - जिल्हाधिकारी अंमलबजावणी

    जिल्हाधिकारी कार्यालय यवतमाळ


    कोरोना काळात प्राण वाचवण्यासाठी ज्या प्रकारे मास्क वापरण्याची काळजी घेतली जात होती, तशीच काळजी सध्या रस्त्यावर होणारे अपघात टाळण्यासाठी घेणे आवश्यक आहे. अतिवेग, गाडी चालवताना मोबाईलवर बोलणे, हेल्मेट न वापरणे, ट्रिपल सीट चालवणे या सगळ्या चुकीच्या कृत्यांमुळे आपण स्वतःचा आणि दुसऱ्याचा जीव धोक्यात घालतो. यापुढे तरुणांनी दुचाकी चालवताना हेल्मेटचा वापर अवश्य करावा असे आवाहन जिल्हाधिकारी अमोल येडगे यांनी केले. एपीजे अब्दुल कलाम अभ्यासिकेमध्ये रस्ता सुरक्षा अभियानाचा शुभारंभ करण्यात आला यावेळी जिल्हाधिकारी बोलत होते या कार्यक्रमाला जिल्हा पोलीस अधीक्षक पवन बनसोड एन एच आय चे प्रकल्प संचालक प्रकल्प अधिकारी हर्षद पारीक सार्वजनिक बांधकाम विभागाचे अधीक्षक अभियंता दीपक सोनटक्के परिवहन विभागाचे उपप्रादेशिक अधिकारी ज्ञानेश्वर हिरडे तसेच इतर अधिकारी उपस्थित होते उपस्थित तरुणांना मार्गदर्शन करताना जिल्हाधिकारी म्हणाले की देशात चार लाख 90 हजार अपघात झाले असून यामध्ये दीड लाख लोकांचा मृत्यू झाला आहे. यात जास्तीत जास्त अपघात हे दुचाकी वाहनांचे आहेत. यात झालेले मृत्यु हे केवळ हेल्मेट न वापरल्यामुळे झाले आहेत. सध्या रस्ते चांगले झालेले आहेत. मात्र त्याचा दुरुपयोग गाडी वेगाने पळवण्यात होतो आणि अति वेगामुळे गाडिवरचे नितंत्रण सुटुन वाहनचालक स्वतःचा आणि दुसऱ्यांचा जीव धोक्यात घालतात. मनाचे नियंत्रण उत्तम नियंत्रण आहे. लोकांनी स्वतःच्या मनावर नियंत्रण ठेवून वाहतुकीच्या सर्व नियमांचे पालन करावे. गाडी चालवताना मोबाईलवर बोलू नये स्टंट करण्याचे टाळावे, आपले शहर जिल्हा अपघातमुक्त जिल्हा करण्यासाठी तरुणांनी संकल्प करावा असेही जिल्हाधिकारी यावेळी म्हणाले. *अपघातग्रस्तांचे फोटो काढण्यापेक्षा जीव वाचविणे महत्वाचे* यावेळी बोलताना पोलीस अधीक्षक पवन बनसोड म्हणाले आपल्या देशातील नागरिक परदेशात गेल्यावर तिथल्या वाहतूक नियमांचे अगदी तंतोतंत पालन करतात मात्र तेच नागरिक भारतात परत आल्यावर येथील वाहतूक नियमांचे मात्र पालन करत नाहीत, ही शोकंतिका आहे. वाहतूक नियमांचे पालन होण्यासाठी शासनाने दंड दुप्पट केला. परंतु यामुळे अपघात थांबलेत किंवा वाहतूक नियमांचे पालन करण्याचे प्रमाण वाढले असे मात्र झालेले नाही. कारण एखाद्या कायद्याचे पालन व्हावे असे नागरिकांना जोपर्यंत वाटत नाही तोपर्यंत त्या कायद्याची अंमलबजावणी होऊ शकत नाही. त्यामुळे कायद्याची अंमलबजावणी होण्यासाठी नागरिकांनी स्वतःहून कायद्याचे पालन करणे आवश्यक आहे. एखादा अपघात झाल्यावर अपघातग्रस्ताचे फोटो काढण्यापेक्षा त्या अपघातग्रस्ताचा जीव वाचवणे जास्त महत्त्वाचे आहे. त्याच्यासाठी असलेला गोल्डन अवरचा उपयोग करून त्या अपघातग्रस्तला वेळीच वैद्यकीय उपचार मिळतील यासाठी पुढाकार घ्या. त्याचबरोबर एखाद्या चौकात वाहतूक खोळंबली असेल तर स्वतः स्वयंसेवक बनुन वाहतूक सुरळीत करण्यासाठी पोलिसांना मदत करा असे श्री बनसोड यावेळी म्हणाले. यावेळी हर्षित पारीक आणि दीपक सोनटक्के यांनी सुद्धा रस्ता सुरक्षेबाबत मार्गदर्शन केले. वाहतुक नियमांचे पालन करण्यासाठी तयार करण्यात आलेली पुस्तिकेचे यावेळी विमोचन करण्यात आले. उपप्रादेशिक परिवहन अधिकारी ज्ञानेश्वर हिरडे यांनी प्रास्ताविकातून रस्ता सुरक्षा अभियानाचे महत्त्व सांगितले. या कार्यक्रमाला वाहतुक पोलिस, महाविद्यालयीन विद्यार्थी आणि नागरिक उपस्थित होते.


  • ज्वारी, मका, बाजरी खरेदी ऑनलाईन नोंदणीकरिता १५ जानेवारीपर्यंत मुदतवाढ अंमलबजावणी

    जिल्हाधिकारी कार्यालय यवतमाळ


    आधारभूत किंमत खरेदी योजनेंतर्गत राज्य शासनामार्फत ज्वारी,मका व बाजरी खरेदीसाठी शेतकऱ्यांची ऑनलाईन नोंदणी करण्याकरिता महाराष्ट्र स्टेट को. ऑपरेटिव्ह मार्केटिंग फेडरेशन लिमिटेडमार्फत ५ खरेदी केंद्र उघडण्यात आलेले आहे. ज्वारी, मका, बाजरी खरेदी ऑनलाईन नोंदणीकरिता आता १५ जानेवारी पर्यंत मुदतवाढ देण्यात आली आहे. महागांव तालूक्यात तालुका खरेदी विक्री समिती, महागांव, पांढरकवडा तालुक्यात तालुका खरेदी विक्री समिती, पांढरकवडा, झरी तालुक्यात बळीराजा फळे फुले भाजीपाला कृषी उत्पादन पणन व प्रक्रिया सहकारी संस्था पाटण, पुसद तालुक्यात किसान मार्केट यार्ड शेलु (बु), पुसद, आर्णी तालुक्यात शेतकरी कृषी खाजगी बाजार दत्तरामपुर, आर्णी यांचा समावेश आहे. या हंगामापासुन ज्या शेतकऱ्यांचा ७/१२ आहे त्याच शेतकऱ्यांचा प्रत्यक्ष लाईव्ह फोटो अपलोड करणे आवश्यक आहे. त्याशिवाय नोंदणी पुर्ण होणार नाही.शेतकरी नोंदणी मोबाईल ॲपव्दारे होत असुन लाईव्ह फोटो देखील मोबाईल ॲपव्दारे अपलोड करता येणार आहे.तशा सुचना दिनांक ७ जानेवारी २०२३ रोजी शासनाकडून प्राप्त झालेल्या आहे. त्यामुळे शेतमालाची विक्री करावयाची आहे त्याच शेतकऱ्याने लाईव्ह फोटो अपलोड करण्यासाठी स्वत: खरेदी केंद्रावर उपस्थित राहणे आवश्यक आहे. खरेदीची अंतिम मुदत १५ जानेवारी २०२३ पर्यंत मुदतवाढ देण्यात आलेली आहे. सदर शेतकऱ्यांनी ऑनलाईन नोंदणी करुन घ्यावी, असे आवाहन जिल्हा मार्केटिंग अधिकारी अर्चना माळवे यांनी केले आहे.


  • मकर संक्रांती भोगी हा दिवस 'पौष्टिक तृणधान्य दिन' म्हणून होणार साजरा* अंमलबजावणी

    जिल्हाधिकारी कार्यालय यवतमाळ


    संयुक्त राष्ट्रसंघाने सन 2023 हे वर्ष “आंतरराष्ट्रीय पौष्टिक तृणधान्य वर्ष” म्हणून घोषित केले आहे. यानिमित्त कृषि विभागामार्फत विविध कार्यक्रमाचे आयोजन करण्यात येणार आहे. या माध्यमातून शेतकरी व सर्व सामान्य व्यक्तींना पौष्टिक तृणधान्य पिकांचे आहारातील महत्व, त्याचे फायदे काय आहेत याबरोबरच तृणधान्य पिकांचे क्षेत्र, उत्पादन व उत्पादकता वाढ कार्यक्रम हाती घेतला आहे. यानुसार आंतरराष्ट्रीय पौष्टिक तृणधान्य वर्ष 2023 अंतर्गत “मकर संक्रांती-भोगी” हा सणाचा दिवस दरवर्षी राज्यामध्ये “पौष्टिक तृण धान्य दिन” म्हणून साजरा करण्यात येणार आहे. या दिनाचे औचित्य साधून जिल्ह्यातील गावांमध्ये कृषि विभागामार्फत प्रशिक्षण कार्यक्रम, आरोग्यावर आधारित चर्चासत्राचे आयोजन, तृणधान्य पिकांच्या विविध जाती, त्यांचे लागवड तंत्रज्ञान, तृणधान्य पिकवणाऱ्या शेतकऱ्यांच्या यशोगाथा, मुलाखती, तृणधान्य ज्वारी, बाजरी, नाचणी, वरई, राळा व राजगिरा पिकापासून बनवण्यात येणारे विविध उपपदार्थ आहारासाठी पौष्टीक असल्याने यांची माहिती व कार्यक्रमांचे आयोजन करणार आहेत. 14 जानेवारी 2023 रोजी मकर संक्रांती-भोगी हा दिवस जिल्ह्यात “पौष्टिक तृणधान्य दिन” म्हणून मोठ्या उत्साहाने साजरा करावा, असे आवाहन जिल्हा अधिक्षक कृषि अधिकारी नवनाथ कोळपकर यांनी केले आहे.


  • बोरा पब्लिक स्कूलमध्ये स्वामी विवेकानंद व जिजामाता जयंती उत्साहात साजरी अंमलबजावणी

    जिल्हाधिकारी कार्यालय यवतमाळ


    यवतमाळ येथील लोहारा येथे असलेल्या शीलादेवी बोरा पब्लिक स्कूलमध्ये युवा वर्गाचे प्रेरणा स्थान स्वामी विवेकानंद व स्वराज्य जननी जिजामाता यांची जयंती उत्साहात साजरा करण्यात आला सर्वप्रथम विद्येची देवी सरस्वती व स्वामी विवेकानंद व जिजामाता यांच्या प्रतिमेला माल्यार्पण करून कार्यक्रमाला सुरुवात करण्यात आली यावेळी वैशाली महाजन व क्रांती अलोने यांनी विद्यार्थ्यांना स्वामी विवेकानंद व जिजामाता जीवनावर प्रकाश टाकून दर्शन केले. व त्यांच्या विषयी माहिती दिली. विद्यार्थी मोठ्या संख्येने उपस्थित होते. मार्गदर्शन संजय कोचे उषा कोचे यांनी केले तर कार्यक्रम यशस्वीतेसाठी अर्चना कडू, मनीषा ताजने, हर्षा डेरे, पल्लवी देशमुख, क्रांती अलोने मनीषा खोपे, वैशाली महाजन, श्वेता बंदूक, पूनम शेळके, शारदा नेवारे, परमेश्वर उडाके यांनी व सर्व विद्यार्थ्यांनी परिश्रम घेतले.


  • स्वराज्य प्रेरीका राजमाता जिजाऊ व स्वामी विवेकानंद यांच्या जयंती निमित्त विनम्र अभिवादन अंमलबजावणी

    जिल्हाधिकारी कार्यालय यवतमाळ


    ऍड शंकरराव राठोड प्राथ आश्रम शाळा रुई तलाव ता दिग्रस जिल्हा यवतमाळ येथे स्वराज्य प्रेरीका राजमाता जिजाऊ व स्वामी विवेकानंद यांच्या जयंती निमित्त विनम्र अभिवादन करून विध्यार्थ्यांना मार्गदर्शन करण्यात आले कु ग्रामगीता राऊत मॅडम यांनी राजमाता जिजाऊ विषयी मार्गदर्शन केले व आभार प्रदर्शन श्री संदेश पांडे सरांनी केले


  • हिंदवी स्वराज्य संकल्पिका राजमाता जिजाऊ आणि युवकाचे प्रेरणा स्थान स्वामी विवकानंद यांची जयंती अंमलबजावणी

    जिल्हाधिकारी कार्यालय यवतमाळ


    कै चंद्रभान पाटील विजाभज प्राथमिक व माध्यमिक आश्रम शाळा रामनगर (यावली) आज दिनांक 12/1/2023 ला विमुक्त जाती व भटक्या जमाती प्राथमिक व माध्यमिक आश्रम शाळा रामनगर यादी तालुका घाटंजी जिल्हा यवतमाळ येथे हिंदवी स्वराज्य संकल्पिका राजमाता जिजाऊ आणि युवकाचे प्रेरणा स्थान स्वामी विवकानंद यांची जयंती मोठ्या उत्साहात साजरी करण्यात आली


  • राजमाता जिजाऊ व स्वामी विवेकानंद यांची जयंती अंमलबजावणी

    जिल्हाधिकारी कार्यालय यवतमाळ


    स्व.थावरा नाईक वि.जा.भ.ज.प्राथ. माध्यमिक आश्रम शाळा हुडी( तांडा) ता.पुसद जि.यवतमाळ येथे राजमाता जिजाऊ व स्वामी विवेकानंद यांची जयंती साजरी करण्यात आली कार्यक्रमाचे अध्यक्ष .श्री व्हि.के. डोरले मुख्याध्यापक सर व प्रमुख पाहुणे श्री एच.एच.ब्राम्हण सर , व शिक्षक,शिक्षकेत्तर कर्मचारी उपस्थित होते आणि त्यानंतर विद्यार्थी यांनी राजमाता जिजाऊ यांच्या विषयी भाषणे दिली.


  • स्वराज्य जननी राजमाता जिजाऊ व युगपुरुष स्वामी विवेकानंद जयंती अंमलबजावणी

    जिल्हाधिकारी कार्यालय यवतमाळ


    अनुसूचित जाती मुलांची शासकीय निवासी शाळा इसापूर, ता दिग्रस, जि यवतमाळ येथे स्वराज्य जननी राजमाता जिजाऊ व युगपुरुष स्वामी विवेकानंद जयंती निमित्त भाषनाचा कार्यक्रम आयोजित करण्यात आला होता. सर्वप्रथम राजमाता जिजाऊ व स्वामी विवेकानंद यांच्या प्रतिमेचे पूजन व हारार्पण करण्यात आले . कार्यक्रमा चे अध्यक्षस्थान श्री. एस.एस. पढाल (मुख्याध्यापक) यांनी भूषविले होते तर प्रमुख अतिथी म्हणून श्रीमती एस. जी. वाकेकर मॅडम, श्रीमती जामनिक मॅडम,श्रीमती वाठोरे मॅडम उपस्थित होत्या. स्वराज्य स्थापणेच गोजिर स्वप्न शिवरायांच्या मनात निर्माण करणाऱ्या राजमाता जिजाऊ तर उठा जागे व्हा जोपर्यंत धैर्यापर्यंत पोहचत नाही तो पर्यंत थांबू नका असे मी म्हणणारे स्वामी विवेकानंद यांच्या विषयी विद्यार्थ्यांनी मनोगत व्यक्त केले . यानंतर प्रमुख अतिथी श्रीमती वाकेकर मॅडम यांनी राजमाता जिजाऊ यांची भूमिका स्वीकारून " मी राजमाता जिजाऊ बोलतेय" ही एकांकिका सादर केली. एकांकिके दरम्यान त्यांनी छत्रपती शिवाजी महाराजांना कसे घडविले ते सांगितले. यानंतर अद्यक्षीय भाषणं झाले. कार्यक्रमाचे सूत्रसंचालन ब संविधान ढोबळे;वआभार प्रदर्शन प्रेम पठाडे ने केले. सर्व शिक्षक व शिक्षकेतर कर्मचारी उपस्थित होते. कार्यक्रमाची सांगता राष्ट्रगीताने करण्यात आली.


  • जिजाऊ जन्मोत्सव व विवेकानंद जयंती साजरी अंमलबजावणी

    जिल्हाधिकारी कार्यालय यवतमाळ


    श्री शिवाजीराव मोघे वि.जा.भ.ज. माध्यमिक व उच्च माध्यमिक आश्रम शाळा हेटी( य. ) येथे १२ जानेवारी ला राजमाता जिजाऊ व स्वामी विवेकानंद याची जयंती उसाहात साजरी करण्यात आली . राजमाता माॅ . जिजाऊ व स्वामी विवेकानंद यांच्या वेशभुषेत विद्यार्थ्यांनी सहभाग घेवून विविध कार्यक्रमात सहभाग घेतला विशेष म्हणजे सदर कार्यक्रम विद्यार्थ्यांनी स्वःता आयोजित करुन पूर्णपणे यशस्वी केला यावेळी मुख्याध्यापक श्री विनोद राठोड व शाळेतील सर्व शिक्षक , शिक्षिका , शिक्षकेत्तर कर्मचारी उपस्थित होते


  • रिलायंस फाऊंडेशनकडून यवतमाळ जिल्ह्यातील बाभुळगाव तालुक्यातील उमरी गावामध्ये जनावरांना तोंडखुरी पायखुरी या आजाराचे मोफत लसीकरण दिले अंमलबजावणी

    जिल्हा परिषद यवतमाळ


    रिलायंस फाउंडेशन,पशुसंवर्धन विभाग बाभुळगाव तसेच उमेद यांच्या संयुक्त विद्यमाने यवतमाळ जिल्ह्यातील बाभुळगाव तालुक्यातील उमरी गावामध्ये जनावरांना तोंडखुरी पायखुरी या आजाराचे लसीकरण दि. १० जानेवारी २०२२ रोजी शिबीर भरवून देण्यात आले. हिवाळ्यामध्ये जनावरामधील मुख्य आजार म्हणजे तोंडखुरी पायखुरी या आजारावर लवकर उपचार करणे आवश्यक असते हे लक्षात घेऊन रिलायंस फाऊंडेशनकडून शिबिराचे आयोजन करण्यात आले त्या शिबिरामध्ये उमरी गावामधील शेळी,गाय,बैल,म्हशी असे १७५ जनावरांना डॉ. प्रशांत झाडे सहायक आयुक्त पशुसंवर्धन विभाग बाभुळगाव तसेच डॉ. दिलीप चौधरी सहायक पशुधन विकास अधिकारी तसेच डॉ.अनिल कुकडे यांनी जनावरांना लसीकरण केले तसेच पशुपालकांना जनावरांना आहारपद्धती,गोठ्याची स्वच्छता,थंडीपासून जनावरांचे संवरक्षण कसे करावे असे विविध मार्गदर्शन केले यावेळी उमरी गावाचे सरपंच श्री मनोज शेळके उपस्तिथ होते तसेच सौ. वनिताताई कापसे व सौ. संजनाताई गांगेकर यांनी पशुपालकांमध्ये जागरूकता निर्माण केली आणि शिबिरासाठी प्रोत्साहित केले अश्या पद्धतीने कार्यक्रम उपयुक्त झाला या कार्यक्रमाचे आयोजन रिलायंस फाऊंडेशनचे प्रफुल बन्सोड प्रकल्प व्यवस्थापक तसेच कार्यक्रम सहायक अमोल श्रीरामे व रुतुजा मेश्राम यांनी केले.


  • श्री शिवाजीराव मोघे आश्रम शाळेत जिजाऊ जन्मोत्सव व विवेकानंद जयंती साजरी अंमलबजावणी

    जिल्हा परिषद यवतमाळ


    श्री शिवाजीराव मोघे वि.जा.भ.ज. माध्यमिक व उच्च माध्यमिक आश्रम शाळा हेटी( य. ) येथे १२ जानेवारी ला राजमाता जिजाऊ व स्वामी विवेकानंद याची जयंती उसाहात साजरी करण्यात आली . राजमाता माॅ . जिजाऊ व स्वामी विवेकानंद यांच्या वेशभुषेत विद्यार्थ्यांनी सहभाग घेवून विविध कार्यक्रमात सहभाग घेतला विशेष म्हणजे सदर कार्यक्रम विद्यार्थ्यांनी स्वःता आयोजित करुन पूर्णपणे यशस्वी केला यावेळी मुख्याध्यापक श्री विनोद राठोड व शाळेतील सर्व शिक्षक , शिक्षिका , शिक्षकेत्तर कर्मचारी उपस्थित होते


  • आयुष्यमान भारत जन आरोग्य योजआयुष्यमान भारत जन आरोग्य योजने अंतर्गत अंमलबजावणी

    जिल्हा परिषद यवतमाळ


    आयुष्यमान भारत जन आरोग्य योजने अंतर्गत ग्रामपंचायत कार्यालय तरोडा येथे गावातील लाभार्थ्यांची के. वाय. सी. करताना.उमरखेड


  • रस्ता सुरक्षा सप्ताहाचे उद्घाटन अंमलबजावणी

    जिल्हाधिकारी कार्यालय कोल्हापूर


    युवकांनी सुरक्षितपणे वाहन चालवून स्वतःच्या जीवाचे संरक्षण करत कुटुंबाचे आणि राष्ट्राचे हित जपावे, असा मौलिक सल्ला प्रधान जिल्हा व सत्र न्यायाधीश कविता अग्रवाल यांनी दिला. रस्ता सुरक्षा सप्ताहानिमित्त प्रादेशिक परिवहन कार्यालयाच्या वतीने केआयटी महाविद्यालयात आयोजित कार्यक्रमात त्या बोलत होत्या. यावेळी मान्यवरांच्या हस्ते दीपप्रज्वलन करुन रस्ता सुरक्षा सप्ताहाचे उद्घाटन करण्यात आले. यावेळी प्रख्यात सिने अभिनेते भरत जाधव, अपर पोलीस अधीक्षक (गडहिंग्लज) निकेश खाटमोडे- पाटील, के.आय.टी. महाविद्यालयाचे अध्यक्ष सुनील कुलकर्णी, विश्वस्त दीपक चौगुले, संचालक मोहन वणरोट्टी, प्रादेशिक परिवहन अधिकारी दीपक पाटील, सहाय्यक प्रादेशिक परिवहन अधिकारी रोहित काटकर तसेच अन्य मान्यवर उपस्थित होते. कविता अग्रवाल म्हणाल्या, जन्म आणि मृत्यू यामधील प्रवास म्हणजे जीवन असून जीवन जगताना काळजी घ्यायला हवी. मुलांना वाहन, मोबाईल अशा वस्तू पालकांनी घेऊन दिल्या असल्या तरी ते वाहन सुरक्षितपणे चालवण्याचा सल्ला ऐकायला मात्र आवडत नाही. मात्र युवकांनी वाहतुकीचे नियम पाळून सुरक्षितपणे वाहन चालवून कौटुंबिक हित साधावे. सिने अभिनेते भरत जाधव म्हणाले, सध्याच्या युगात प्रत्येक गोष्टीत स्पर्धा आहे, त्यात अग्रेसर राहण्यासाठी प्रत्येकजण धडपडतो आहे, प्रत्येकजण घाईत आहे. परंतू जीवन अमूल्य आहे, त्यामुळे वाहन चालवताना घाई, गडबड किंवा स्पर्धा करु नका. रस्ता सुरक्षेचे नियम पाळा, स्वतः सुरक्षित वाहन चालवा आणि इतरांनाही प्रेरित करा. चांगले विचार आत्मसात करुन विचारांनी मोठे व्हा, अभ्यास करुन कष्ट करुन मोठे व्हा, चांगले नाव कमवा असे आवाहन त्यांनी केले. प्रादेशिक परिवहन अधिकारी दीपक पाटील म्हणाले, देशात वर्षभरात रस्त्यावर लाखो अपघात होवून लोकांना जीव गमवावा लागतो. रस्ता सुरक्षेबद्दल जनजागृती होण्यासाठी परिवहन विभागाच्या वतीने रस्ता सुरक्षा सप्ताह उपक्रम राबवण्यात येतो. या सप्ताहात जिल्ह्यात विविध उपक्रम घेण्यात येणार आहेत. इंस्टाग्रामवर रस्ता सुरक्षा विषयक रिल (Reel) स्पर्धा, महिलांसाठी रस्ता सुरक्षा बाईक रॅली आदी उपक्रमांत सर्वांनी मोठ्या संख्येने सहभागी व्हावे. तसेच प्रत्येकाने वाहतुक नियमावलीचे तंतोतंत पालन करावे, असेही आवाहन त्यांनी केले. यावेळी निकेश खाटमोडे - पाटील, सुनील कुलकर्णी यांनी मनोगतातून रस्ता सुरक्षा नियमांचे पालन करण्याचे आवाहन केले. आभार सहायक प्रादेशिक परिवहन अधिकारी रोहित काटकर यांनी मानले.


  • *मुख्य निवडणूक अधिकारी कार्यालयातर्फे पत्रकार आणि सामाजिक संस्थांना पुरस्कार* अंमलबजावणी

    जिल्हाधिकारी कार्यालय यवतमाळ


    लोकशाहीचा ढाचा अबाधित राखण्यासाठी निवडणुका, मतदान, मतदार नोंदणी या अत्यावश्यक बाबी आहेत. निवडणुका निःपक्षपाती आणि पारदर्शक वातावरणात पार पाडणे ही निवडणूक आयोगाची जबाबदारी आहे. मात्र ही जबाबदारी पार पाडत असताना प्रसारमाध्यमांचे आणि विविध स्वयंसेवी संस्थांचे निवडणूक आयोगाला सहकार्य लाभत असते. हे लक्षात घेऊन यावर्षीपासून महाराष्ट्राच्या मुख्य निवडणूक अधिकारी कार्यालयाने पत्रकार आणि सामाजिक संस्थांना पुरस्कार जाहीर केले आहेत. मतदार नोंदणी, मतदान, निवडणुका यासंबंधी माहितीचे वार्तांकन करणाऱ्या पत्रकारांसाठी 'निवडणूकवार्तांकन पुरस्कार' दिला जाणार आहे. तर मतदार जागृतीसाठी प्रयत्नशील असणाऱ्या स्वयंसेवी संस्थांना 'मतदार-मित्र पुरस्कार' दिला जाणार आहे. १० हजार रुपये रोख आणि मानचिन्ह असे या पुरस्काराचे स्वरूप असेल. हे पुरस्कार २५जानेवारीला राष्ट्रीय मतदार दिनाच्या कार्यक्रमात वितरित केले जातील. पत्रकार आणि स्वयंसेवी संस्था या पुरस्कारासाठी स्वतः अर्ज करू शकतात. त्याकरता मतदार नोंदणी, मतदान, निवडणुका यासंबंधी गेल्या वर्षभरातील आपल्या कार्याची अहवाल स्वरुपात माहिती आणि छायाचित्रांसह आपला अर्ज democracybook2022@gmail.com या ई मेल आयडीवर अर्ज पाठवावा. अधिक माहितीसाठी प्रणव सलगरकर मो.क्र. ८६६९०५८३२५ यांना संपर्क करावा असे आवाहन मुख्य निवडणुक अधिकारी श्रीकांत देशपांडे यांनी केले आहे.


  • मराठी भाषा पंधरवाडामिमित्त कला महोत्सवाचे आयोजन* अंमलबजावणी

    जिल्हाधिकारी कार्यालय यवतमाळ


    मराठी भाषा पंधरवडा निमित्ताने महसूल कर्मचारी संघटना, यवतमाळ यांच्या वतीने परिवर्तन, जळगाव या संस्थेचा राज्यभर गाजत असलेला ‘कला महोत्सव’ यवतमाळ मध्ये आयोजित करण्यात येत आहे. जिल्हाधिकारी कार्यालयाच्या परिसरातील बचत भवन येथे १४ व १५ जानेवारीला कला महोत्सवाचे आयोजन आयोजन करण्यात आले आहे. ‘ रेगिस्तान-ए-गझल’ या कार्यक्रमाचे सादरीकरण १४ जानेवारीला सायंकाळी ६ वाजता करण्यात येणार आहे. गज़ल म्हणजे काय, गज़ल कुठून आली, कशी रुजली, अरबस्तानमधली गझल भारतात येऊन भारतीय कशी झाली. आज भारतातील सगळ्यात लोकप्रिय काव्य प्रकार गझल आहे. याच गझलचा शोध एका संगीतमय कार्यक्रमामधून घेण्यात येणार आहे. अमरावती महसूल विभागाचे विभागीय आयुक्त ज्येष्ठ गझलकार डॉ. दिलीप पांढरपट्टे यांच्या संकल्पनेमधून व निवेदनामधून हा संगीतमय गझल गायनाचा कार्यक्रम सादर होणार आहे. दुसऱ्या दिवशी,१५ जानेवारीला सायंकाळी ६ वाजता शंभु पाटील लिखित ‘अमृता, साहिर, इमरोज ह्या नाटकाचा व ‘नली’ या एकल नाट्याचा प्रयोग सादर होणार आहे. अमृता, साहिर, इमरोज हे नाटक सुप्रसिद्ध लेखिका अमृता प्रीतम यांच्या जीवनावर आधारित नाटक आहे. अमृता, गीतकार साहिर लुधियानवी, चित्रकार इमरोज यांच्या जीवनातील प्रीत काळ नाट्यरूपातून सादर करण्यात येणार आहे. मुंबई ,पुणे व राज्यभरात सध्या चर्चेत असलेले हे नाटक आहे. त्याचं दिवशी 'नली' ह्या एकपात्री नाट्य प्रयोगाचे सादरीकरण होणार आहे. कवी श्रीकांत देशमुख यांच्या नलिनी देवराव या व्यक्तिचित्रणाचे शंभु पाटील यांनी नाट्यरूपांतर केले असून, हर्षल पाटील या एकल नाट्याचे सादरीकरण करतील. अहिराणी बोलीतील 'नली’ ह्या एकल नाट्याचे राज्यात व बाहेर ६३ प्रयोग आजवर झाले आहेत. राज्यभर गाजत असलेला हा कला महोत्सव, यवतमाळ मधील रसिकांसाठी विनामूल्य आयोजित करण्यात येत आहे. शासनाने मराठी भाषेच्या उन्नतिसाठी मराठी भाषा पंधरवडा १४ ते २८ जानेवारी दरम्यान साजरा करण्याचे निर्देश दिले आहे. त्या औचित्यने या कार्यक्रमाचे आयोजन महसूल कर्मचारी संघटनेच्या वतीने करण्यात आले आहे. हा कार्यक्रम रसिकांसाठी विनामूल्य आहे. या दोन दिवसीय रंगारंग कार्यक्रमाचा आस्वाद यवतमाळकर रसिकांनी घ्यावा,असे आवाहन आयोजकांकडून करण्यात आले आहे.


  • खाजगी व सार्वजनिक क्षेत्रातील आस्थापनांनी ई-आर-१ ऑनलाईन सादर करावा* अंमलबजावणी

    जिल्हाधिकारी कार्यालय यवतमाळ


    कौशल्य विकास, रोजगार व उद्योजकता आयुक्तालय यांचे कडून पुरविण्यात येणाऱ्या रोजगार विषयक सर्व सेवा आता ऑनलाईन करण्यात आलेल्या आहेत. ऑक्टोबर-२०२२ ते डिसेंबर-२०२२ अखेर संपणाऱ्या त्रैमासिक करीता ई-आर-१ या प्रपत्राची माहिती संकेत स्थळावर सर्व शासकिय, निमशासकिय, खाजगी उद्योजक, आस्थापना यांनी ऑनलाईन सादर करावयाची आहे . त्यासाठी rojgar.mahaswayam.gov.in हे संकेतस्थळ विकसीत करण्यात आलेले आहे. आस्थापनांनी युझर आय.डी. व पासवर्डच्या माध्यमातून लॉग ईन करुन व त्याबाबतचे प्रमाणपत्र संकेतस्थळावरुन प्राप्त करुन घ्यायचे आहे. उद्योजक / आस्थापना यांनी सेवायोजन कार्यालय (रिक्तपदे अधिसुचित करण्याची सक्ती करणारा ) कायदा १९५९ व नियमावली १९६० कलम ५ (१) व कलम ५(२) अन्वये त्रैमासिक ई-आर १ ऑनलाईन सादर करणे बंधनकारक आहे. ऑनलाईन ई आर – १ सादर करतांना काही अडचण आल्यास जिल्हा कौशल्य विकास, रोजगार व उद्योजकता मार्गदर्शन केंद्र, यवतमाळ या कार्यालयाशी संपर्क साधावा, अथवा दुरध्वनी क्रमांक ०७२३२-२४४३९५ यावर संपर्क साधावा. ई-आर १ सादर करण्याची अंतिम मुदत माहे ३१ जानेवारी-२०२३ आहे. ई-आर १ ऑनलाईन सादर न करणाऱ्या कसूरदार आस्थापनावर विहित नियमानुसार कार्यवाही करण्यात येईल असे जिल्हा कौशल्यविकास, रोजगार व उद्योजकता मार्गदर्शन केंद्राच्या सहाय्यक आयुक्त विद्या शितोळे यांनी कळविले आहे.


  • बेरोजगार उमेदवारांनी ग्रंथालयाचा लाभ घ्यावा अंमलबजावणी

    जिल्हाधिकारी कार्यालय यवतमाळ


    जिल्हा कौशल्य विकास व उद्योजकता मार्गदर्शन केंद्र या कार्यालयात बेरोजगार उमेदवारांना स्पर्धा परीक्षेची तयारी करण्यासाठी ग्रंथालयाची सुविधा उपलब्ध करुन दिलेली आहे.ग्रंथालयामध्ये विविध प्रकाशनाची पुस्तके, मासिके, वर्तमानपत्रे इत्यादी साहित्य उमेदवारांसाठी विनामुल्य उपलब्ध करून देण्यात आले आहे. ग्रंथालयाचा लाभ घेण्यासाठी उमेदवारांनी कार्यालयाचे दुरध्वनी क्रमांकावर संपर्क करावा.ही सेवा विनामुल्य असुन या सेवेचा लाभ घेणे करीता उमेदवारांनी ०७२३२-२४४३९५ या दूरध्वनी क्रमांकावर तसेच www.mahaswayam.gov.in या संकेतस्थळावर ऑनलाईन नोंदणी करावी. पूर्वी नोंदणी केलेल्या उमेदवारांना परत नोंदणी करण्याची आवश्यकता नाही. या संधीचा लाभ अधिकाअधीक उमेदवारांनी घ्यावा, असे आवाहन सहायक आयुक्त विद्या शितोळे यांनी केले आहे़.


  • राज्यातील खाजगी चित्रीकरण स्थळांची माहिती पाठविण्याचे आवाहन अंमलबजावणी

    जिल्हाधिकारी कार्यालय यवतमाळ


    राज्यातील खाजगी मालकीच्या चित्रीकरण स्थळांची माहिती जास्तीत जास्त निर्मिती संस्थांना कळावी यासाठी संबधित चित्रीकरण स्थळांचे मालक अथवा संस्थांनी गुगल ड्राईव्हवर स्थळांची विस्तृत माहिती, छायाचित्र, व्हिडीओ आणि संपर्क क्रमांक पाठविण्याचे आवाहन महाराष्ट्र चित्रपट, रंगभूमी आणि सांस्कृतिक विकास महामंडळाने (चित्रनगरी/फिल्मसिटी) केले आहे. महाराष्ट्र हे मनोरंजन क्षेत्रातील नावाजलेले राज्य असून देश- विदेशातील निर्मिती संस्था येथे चित्रीकरण करण्यासाठी प्राधान्याने येत असतात. सध्या राज्यातील विविध ठिकाणी खाजगी चित्रीकरण स्थळ विकसित होत आहेत. ही चित्रीकरण स्थळे विविध निर्मिती संस्थांना माहिती व्हावीत यासाठी महामंडळ पुढाकार घेत आहे. यासाठी चित्रीकरणयोग्य अशा मालमत्ताधारकांनी महामंडळास संपर्क साधून आपल्या स्थळांची परिपूर्ण माहिती कळविल्यास, महामंडळ विविध प्रसिद्धीमाध्यमाद्वारे चित्रीकरण स्थळांची माहिती निर्मितीसंस्थांपर्यंत पोहोचविण्याचे काम करेल. याद्वारे नागरिकांना अधिकचे उत्पन्न प्राप्त होईल आणि त्यांच्या स्थळांची प्रचार-प्रसिद्धी होईल. अधिक माहितीसाठी www.filmcitymumbai.org, www.filmcell.maharashtra.gov य संकेतस्थळांवर भेट देता येईल. गुगल ड्राईव्ह लिंक वरील संकेतस्थळावर उपलब्ध आहे.


  • घरकुल मार्ट चे उद्घाटन अंमलबजावणी

    जिल्हाधिकारी कार्यालय यवतमाळ


    आदरणीय PD मॅडम च्या हस्ते घरकुल मार्ट चे उद्घाटन ,वडकी सर्कल.घरकुल लाभार्थ्यास भेट. सावनेर येथे गवंडी प्रशिक्षणास भेट. पंचायत समिती राळेगाव.


  • तालुका स्तरीय क्रीडा स्पर्धा व संस्कृती व कब बुल बुल मेळाव्याचे उद्घाटन अंमलबजावणी

    जिल्हाधिकारी कार्यालय यवतमाळ


    तालुका स्तरीय क्रीडा स्पर्धा व संस्कृती व कब बुल बुल मेळाव्याचे उद्घाटन करताना मा मुख्य कार्यकारी अधिकारी जि p यवतमाळ डॉ पांचाळ सर,शिक्षणाधिकारी श्री सुर्यवंशी सर,श्री गावंडे प्राचार्य diet व इतर अधिकारी पालक शिक्षक विधायर्थी


  • *सैनिक दरबार ६ फेब्रुवारीला* अंमलबजावणी

    जिल्हाधिकारी कार्यालय यवतमाळ


    माजी सैनिक, सेवारत सैनिक व त्यांच्या कुटूबियांच्या समस्या सोडविण्यासाठी जिल्हाधिकारी अमोल येडगे यांच्या अध्यक्षते खाली ६ फेब्रुवारी २०२३ रोजी सकाळी ११ वाजता सैनिक दरबाराचे आयोजन करण्यात आले आहे. यवतमाळ जिल्ह्यातील ज्या माजी सैनिक/सेवारत सैनिक व त्यांचे अवलंबितांच्या वैयक्तिक अडीअडचणी व तक्रार असतील त्यांनी पुराव्यासह सर्व कागदपत्रे, दुरध्वनी क्रमांक व पत्यासह दोन प्रतिमध्ये लेखी स्वरुपात अर्ज जिल्हा सैनिक कल्याण कार्यालय, यवतमाळ येथे २० जानेवारी २०२३ पुर्वी (कार्यालयीन वेळेमध्ये) सादर करून टोकन प्राप्त करावे. यापुर्वी लोकशाही दिनात सादर केलेली तसेच न्याय प्रविष्ठ प्रकरणे स्विकारण्यात येणार नाही. तसेच मुदतीनंतर अथवा ऐनवेळी दिलेल्या अर्जांचा विचार पुढील तक्रार निवारण आयोजनाचे वेळी करण्यात येईल. यवतमाळ जिल्ह्यातील माजी सैनिक/सेवारत सैनिक यांनी सैनिक दरबाराचा लाभ घ्यावा असे आवाहन जिल्हा सैनिक कल्याण अधिकारी ललीतकुमार वऱ्हाडे यांनी केले आहे.


  • इयत्ता ११ वी व १२ वी च्या विद्यार्थ्यांसाठी जात पडताळणीचे विशेष शिबीर अंमलबजावणी

    जिल्हाधिकारी कार्यालय यवतमाळ


    इयता ११ वी व १२ वी विज्ञान तसेच व्यावसायिक अभ्यासक्रमात प्रवेश घेण्यास ईच्छुक विद्यार्थ्यांसाठी जात पडताळणी समितीद्वारे शिबीरे आयोजीत केलेली आहे. उमरखेड तालुक्यामध्ये गोपिकाबाई सितारामजी गावंडे महाविद्यालय उमरखेड, जि.यवतमाळ येथे ११ जानेवारीला शिबीराचे आयोजन ११ ते संध्याकाळी ५ या वेळेत करण्यात आले आहे. सदर शिबीरात सन २०२२-२३ मधील ११ वी व १२ विज्ञान शाखेतील प्रवेशीत विद्यार्थी यांनी https:// bartievalidity.maharashtra.gov.in/ या संकेतस्थळाचा उपयोग करुन परिपुर्णभरलेला अर्ज व मूळ कागदपत्रासह उपस्थीत रहावे. अर्जदाराचा जातीचा दाखला यवतमाळ जिल्ह्यातील असावा व अर्जदार हा अनुसुचित जाती (SC), विमुक्त जाती, भटक्या जमाती(VJNT), विशेष मागासवर्ग (SBC) व इतर मागासप्रवर्ग (OBC) याच प्रवर्गाचे अर्ज समितीकडुन स्वीकारले जातील व पडताळणी केली जाईल. अधिक माहितीकरीता विद्यार्थ्यांनी आपल्या महाविद्यालयातील प्राचार्य यांचेशी संपर्क करावा. ज्या विदयार्थींचे अर्ज परिपुर्ण असतील त्या विद्यार्थ्यांना त्याच ठिकाणी आपले जात वैधता प्रमाणपत्र समिती कडुन देण्याचा समितीचा मानस आहे. परिपुर्ण अर्जाकरीता आवशक असलेल्या कागदपत्रे व पुरावा यासाठी https://yavatmal.gov.in/notice_category/announcements/ या संकेतस्थळाला भेट द्यावी. त्यानुसार कागदपत्रे सादर करावी. प्रत्येक तालुकामध्ये याप्रमाणे शिबीरे आयोजीत केली जातील. यवतमाळ जिल्ह्यातील एकही विद्यार्थी जात वैधता प्रमाणपत्रा अभावी प्रवेशापासुन वंचीत राहु नये हा शिबीराचा मुळ उद्देश आहे. तरी विद्यार्थ्यांनी शिबीरात मोठया प्रमाणात सहभागी होऊन आपले जात वैधता प्रमाणपत्र प्राप्त करुन घ्यावे, असे आवाहन जिल्हा जात प्रमाणपत्र पडताळणी समितीचे अध्यक्ष डॉ. माधव कुसेकर यांनी केले आहे.


  • 75 वर्षीय ओमप्रकाश गणेडीवाल बनलेत महाराष्ट्र प्रदेशाचे ब्रँड अँबेसिडर. अंमलबजावणी

    जिल्हाधिकारी कार्यालय यवतमाळ


    श्री ओमप्रकाश गणेडीवाल हे गत 5 वर्ष्यापासून यवतमाळ येथे कार्यरत असलेल्या नंदानु योग केंद्राचे नित्य योगाभ्यासक आहे. त्यांनी 2021-22 मध्ये तीन महिने कठीण परिश्रम करून जवळ जवळ 1 तास भुजंगासन या आसना मध्ये स्थिर राहून विश्वाविक्रम आपल्या नावे केला आहे याची नोंद योगा बुक ऑफ वर्ल्ड रेकॉर्ड या योगाला समर्पित असलेल्या बुक मध्ये झाली आहे. सोबतच 2020-21 च्या सूर्यनमस्कार चॅम्पियनशीप मध्ये त्यांनी वयाच्या 73 व्या वर्षी अविरत 2 तास 175 सूर्यनमस्कार घालून योगाची ऊर्जा जगासमोर सिद्ध केली आहे. याचीच दखल घेऊन योगा बुक ऑफ वर्ल्ड रेकॉर्ड नें यवतमाळ वासी श्री ओमप्रकाश गणेडीवाल यांना महाराष्ट्र प्रदेशाचे ब्रँड अँबेसिडर बनविले आहे. ओमप्रकाश जी नंदानु योग केंद्रा मध्ये योगाभ्यास करतात व नियमित पाकृतिक चिकित्सा व प्राकृतिक आहार घेतात.. त्यांच्यावर संपूर्ण यवतमाळ करांकडून नातलगाकडून व मित्र मंडळींकडून कौतुकाचा वर्षाव होत आहे. खरोखर हे सर्वांसाठी प्रेरणास्तोत आहे. सर्व यवतमाळ करांनी यांच्याकडून प्रेरणा घेऊन योगा कडे वढावं योग आणी प्राकृतिक चिकित्सा व प्राकृतिक आहार याचा स्वीकार करावा आणी आपल व आपल्या परिवाराच जीवन निरोगी व स्वास्थ्य पूर्ण बनवावा असं नंदानु योग केंद्राचे योगगुरू श्री प्रेमदास पकडे सर बोलले...या संपूर्ण उपलब्धी साठी योगगुरु प्रेमदास पकडे यांचे मार्गदर्शन त्यांना लाभले तसेच नंदानु योग मित्र परिवार चे सदस्य सौं मीना ओमप्रकाश गणेडीवाल, संजय बोथरा, संजय सूतरावे,विजय नथवानी, रोहन जैस्वाल,अतुल गणेडीवाल, चंदुकिशोर गणेडीवाल यांची मदत मिळाली..


  • आयुष्यमान भारत प्रधानमंत्री जन आरोग्य योजना गोल्डन ई कार्ड अंमलबजावणी

    जिल्हाधिकारी कार्यालय यवतमाळ


    आयुष्यमान भारत प्रधानमंत्री जन आरोग्य योजना गोल्डन ई कार्ड तयार करणेबाबत शिबिराचे आयोजन ग्रामपंचाय कोप्रा (बु )येथे करण्यात आले उमरखेड


  • पत्रकारांना स्वत:साठी लढता आले पाहिजे अंमलबजावणी

    जिल्हाधिकारी कार्यालय यवतमाळ


    नवीन पिढीला आपल्याला काय देता येईल, याचा विचार पत्रकारांनी करावा. आपण समाजासाठी लढतो. पत्रकारांना स्वत:साठीही लढता आले पाहिजे, असे मत जिल्हा माहिती अधिकारी मनीषा साळवे यांनी व्यक्त केले. येथील विश्रामगृहात आचार्य बाळशास्त्री जांभेकर यांच्या जयंतीनिमित्त शुक्रवारी (ता.सहा) श्रमिक पत्रकार संघ 5703 तर्फे आयोजित पत्रकारदिन कार्यक्रमात अध्यक्षस्थानावरून बोलत होत्या. याप्रसंगी व्यासपीठावर श्रमिकचे अध्यक्ष संदीप खडेकर तर प्रमुख पाहुणे म्हणून विशाल सोनटक्के, मेहमूद नाथानी, राजकुमार भीतकर, नितीन पखाले आदी मान्यवर उपस्थित होते. पुढे बोलताना डीआयओ साळवे म्हणाल्या की, आज पत्रकारितेचे स्वरूप बदलत आहे. अशावेळी पत्रकारांनी स्वत:ला समृद्घ केले पाहिजे. सकारात्मक विचाराने वाटचाल करण्याचे आवाहन त्यांनी पत्रकारांना केले. मराठी पत्रकारितेला 190 वर्ष झाले. त्याचे स्वरूप बदलले. आता नवीन आव्हान उभे ठाकले आहे. वर्तमानस्थितीत पोटतिडकीने पत्रकारिता करणारा पत्रकार उपेक्षित आहे, यावर चिंतन करायला पाहिजे, असे मत नितीन पखाले यांनी व्यक्त केले. पत्रकारितेचे संदर्भ बदले आहे. स्वातंत्र्याच्या लढाईत पत्रकारितेेचे ऐतिहासिक महत्त्व आहे. आज समाजप्रबोधनापासून पत्रकारिता काहिसी भरकटली. पूर्ववैभव मिळवून देण्याची जबाबदारी सर्वांचीच आहे, याकडे मेहमूद नाथानी यांनी लक्ष वेधले. पत्रकाराने लिहिलेल्या बातमीचे कौतुक केले जाते. मात्र, हाच पत्रकार अडचणीत असताना कुणीच मदतीला धावून येत नाही, अशी खंत राजकुमार भीतकर यांनी व्यक्त केली. प्रास्ताविक श्रमिकचे अध्यक्ष संदीप खडेकर यांनी केले. संचालन तुषार देशमुख यांनी केले. आभार मनोज जयस्वाल यांनी मानले. कार्यक्रमाला सरचिटणीस अमोल ढोणे, कोषाध्यक्ष केशव सवळकर, उपाध्यक्ष रवींद्र चांदेकर, प्रवीण देशमुख, अशोक गोडंबे, नितीन भागवते, आशीष बडवे, विलास गावंडे, अविनाश साबापुरे, सुहास सुपासे, अमोल शिंदे, सूरज पाटील, पवन लताड, रवी राऊत, रवीश वाघ, महेश गंगोत्री, रुपेश चाफलेकर, विजय गाडगे, वासू आहुजा, प्रा. वसीम शेख,संकेत सावंत, नंदू गोगटे, कल्पक वाईकर, राहुल वासनिक, रवी चरडे आदींसह अन्य पत्रकार उपस्थित होते.


  • "माझा गोठा स्वच्छ गोठा" अभियान व पशुपालक मार्गदर्शन अंमलबजावणी

    जिल्हाधिकारी कार्यालय यवतमाळ


    आज दि 6/12/22 रोजी पशुवैद्यकीय दवाखाना श्रेणी 1 राळेगाव अंतर्गत ग्राम गुजरी येथे "माझा गोठा स्वच्छ गोठा" अभियान व पशुपालक मार्गदर्शन यशस्वी रीत्या राबविण्यात आले सदर कार्यक्रमास ग्रामपंचायत सदस्य श्री अखिल धांदे, गावचे प्रतिष्ठित श्री पाटील मामा, कामधेनू अध्यक्ष श्री सुनील गोंडे व ग्रामस्थ तसेच डॉ झाडे प वि अ विस्तार पस राळेगाव , डॉ नाळे प वि अ, श्री अक्कलवार साहेब, तलाठी, कृषी सहायक मॅडम, तसेच दवाखाण्याचे सर्व स्टाफ उपस्थित होते.


  • श्रमिक पत्रकार ट्रस्टचे कौटुंबिक स्नेहसंमेलन संपन्न अंमलबजावणी

    जिल्हाधिकारी कार्यालय यवतमाळ


    आद्य पत्रकार, दर्पणकार आचार्य बाळशास्त्री जांभेकर यांच्या स्मरणार्थ 6 जानेवारी 2023 ला पत्रकार दिनाचे औचित्य साधित महाराष्ट्र श्रमिक पत्रकार संघ मुंबई सलग्नित श्रमिक पत्रकार ट्रस्ट यवतमाळच्या वतीने कौटुंबिक स्नेहमिलन सोहळ्याचे आयोजन करण्यात आले. या स्नेहमिलन सोहळा कार्यक्रमाच्या अध्यक्षस्थानी जिल्ह्याचे पालकमंत्री ना. संजय राठोड हे होते, तर प्रमुख अतिथी म्हणून जिल्हा पोलीस अधीक्षक डॉ. पवन बन्सोड, जिल्हा परिषदेचे मुख्य कार्यकारी अधिकारी डॉ. श्रीकृष्ण पांचाळ, गोदावरी अर्बनचे व्यवस्थापकीय संचालक धनंजय तांबेकर, लोकमतचे कार्यालय प्रमुख किशोर दर्डा, माजी आमदार बाळासाहेब मुनगिनवार, तारीक साहीर लोखंडवाला, यवतमाळ अर्बन बँकेचे अध्यक्ष अजय मुंधडा, राजलक्ष्मी पतसंस्थेचे व्यवस्थापक क्षितीज तायडे, राजेंद्र डांगे, डॉ.टी. सी. राठोड, श्रमिक पत्रकार ट्रस्टचे अध्यक्ष श्रीकांत राऊत व सचिव सुरेंद्र राऊत यांची प्रमुख उपस्थिती होती. आद्य पत्रकार आचार्य बाळशास्त्री जांभेकर यांच्या प्रतिमेला माल्यार्पण व दीप प्रज्वलन करून कार्यक्रमाला सुरवात झाली. कौटुंबिक स्नेहमिलन सोहळ्याला संबोधित करताना ना. संजय राठोड म्हणाले, यवतमाळच्या पत्रकारितेचा इतिहास हा संघर्षाचा इतिहास आहे. तो आजपर्यंत तेवढ्याच तन्मयतेने आपण सर्वजणांनी जोपासला आहे. सतत धावपळ आणि 24 तासात कधीही वार्तांकनासाठी जावे लागणाऱ्या पत्रकारांना कुटुंबियांसोबत आनंदाचे क्षण घालविताना बघून समाधान वाटले असे यावेळी पालकमंत्र्यांनी म्हटले. पत्रकारितेचे स्वरूप बदलत आहे. अशा स्थितीत पत्रकारांनी स्वतःला अपडेट ठेवून वार्तांकन करावे सोबतच कितीही धावपळ असली तरी स्वतःला जपावे असे मत किशोर दर्डा यांनी व्यक्त केले. यावेळी अन्य मान्यवरांनी देखील मनोगत व्यक्त केले. कार्यक्रमाचे प्रास्ताविक श्रीकांत राऊत यांनी केले. तर आभार भास्कर मेहरे यांनी मानले. कार्यक्रमाचे सूत्रसंचालन अंकुश वाकडे यांनी केले. बॉक्स शिवकालीन मर्दांनी खेळाचे प्रात्यक्षिक पत्रकार कुटुंबियांसाठी पत्रकार मयूर वानखडे आणि मयुरेश शर्मा यांच्या बाभुळगाव येथील मुला मुलींच्या चमूने शिवकालीन युद्धकलेतील मर्दांनी खेळाचे प्रात्यक्षिक सादर केले. दांडपट्टा, लाठीकाठी, बन्नाटी, तलवारबाजी, भाला या साहसी खेळांच्या याची देही याची डोळा अनुभूतीने उपस्थितांच्या डोळ्याचे पारणे फिटलें. बॉक्स पत्रकारांच्या पाल्यासाठी गोदावरी अर्बन पाठीशी राहणार!, धनंजय तांबेकर पत्रकारिता करताना पत्रकारांना खूप मेहनत आणि संघर्ष करावा लागतो. लोकशाहीचा बुरुज साबूत राखताना कौटुंबिक अडचणीनाही सामोरे जावे लागते. अशावेळी श्रमिक पत्रकार ट्रस्टचे पदाधिकारी व सभासद यांच्या पाल्यांसाठी राष्ट्रीयकृत बँकांपेक्षा एक टक्का कमी व्याज दराने शैक्षणिक कर्ज उपलब्ध करून देण्याबाबतचा निर्णय गोदावरी अर्बन बँक घेत असल्याची घोषणा गोदावरी अर्बन बँकेचे सीईओ धनंजय तांबेकर यांनी यावेळी केली. त्याबद्दल श्रमिक पत्रकार ट्रस्टच्या वतीने त्यांचे आभारही व्यक्त करण्यात आले.


  • आश्रम शाळा फुलवाडी येथे रायझिंग डे साजरा अंमलबजावणी

    जिल्हा परिषद यवतमाळ


    ज्ञानोपासक शिक्षण प्रसारक मंडळ फुलवाडी द्वारा संचलित व आप्पासाहेब अत्रे विजाभज प्राथ. माध्य.आश्रम शाळा फुलवाडी येथे पोलीस स्थापना दिवसानिमित्त पोलीस स्टेशन खंडाळा अंतर्गत शाळेमध्ये रायझिंग डे च्या कार्यक्रमाचे आयोजन करण्यात आले होते. या कार्यक्रमासाठी पोलीस स्टेशन खंडाळाचे ठाणेदार बालाजी शिंगेपल्लू,आडे साहेब, अभिमन्यू चव्हाण,ईशान चव्हाण, शाळेचे मुख्याध्यापक गजानन कलिंदर आदी मान्यवर उपस्थित होते.ठाणेदार बालाजी शिंदे पल्लू यांनी विद्यार्थ्यांना गुन्हेगारी, सायबर क्राईम,मोबाईलचा वापर, वाहतुकीचे नियम, मुलींविषयी असणारे सर्व प्रकारचे कायदे, तसेच बाल गुन्हेगारी याविषयी सविस्तर असे मार्गदर्शन केले. तसेच त्यांच्या हस्ते विद्यार्थ्यांना शाळेला प्राप्त झालेले टॅब वाटप करण्यात आले.श्री ईशान चव्हाण यांनी आपल्या प्रास्ताविकामध्ये शाळेमध्ये राबविण्यात येणारे उपक्रम,खेळ व क्रीडा तसेच शालेय प्रशासना विषयी सविस्तर अशी माहिती दिली.कार्यक्रमाचे संचालन गजानन पाचकोरे यांनी तर आभार गजानन कलिंदर यांनी मानले.कार्यक्रमाच्या यशस्वीतेसाठी नामदेव वानखेडे, पांडुरंग कल्याणकर, अभय ठाकूर, ज्ञानेश्वर चव्हाण, उद्धव खुडे,श्रीकांत विरखडे,हिमांशू चव्हाण,शुभम काळबोन्डे,रमेश चव्हाण,कैलास काळे,आकाश देडे,श्रीमती वैशाली चव्हाण आदींनी परिश्रम घेतले. सर्व कार्यक्रम विद्यार्थ्यांनी शांतपणे ऐकून घेतला.


  • ज्येष्ठ नागरिकांनी टोल फ्री क्रमांकांचा लाभ घ्यावा अंमलबजावणी

    जिल्हा परिषद यवतमाळ


    यवतमाळ,दि.5 जाने (जिमाका):- सामाजिक न्याय आणि सबलीकरण मंत्रालय, भारत सरकार मार्फत देशभरातील ज्येष्ठ नागरिकांच्या विविध समस्या निवारणासाठी, सर्व राज्यात राष्ट्रीय हेल्पलाईन सुरु करण्यात येत आहे. राष्ट्रीय समाज रक्षा संस्थान, सामाजिक न्याय व विशेष सहाय्य विभाग, महाराष्ट्र शासन आणि जनसेवा फाऊडेशन, पुणे यांच्या संयुक्त विद्यमानाने महाराष्ट्र राज्यामध्ये जेष्ठ नागरीकांसाठीची १४५६७ ही राष्ट्रीय हेल्पलाईन जनसेवा फाऊडेशन पुणे व्दारे चालवली जाणार आहे. भारतातील ज्येष्ठ नागरिकांच्या तक्रारींचे निवारण करण्यासाठी एक विश्वासार्ह राष्ट्रीय हेल्पलाइन तयार करुन ज्येष्ठ नागरिकांच्या जीवनात सकारात्मक बदल घडविणे तसेच अत्याचारग्रस्त वृध्द व्यक्तींची काळजी घेण्यासाठी व इतर सेवेसाठी ही हेल्पलाईन सुरू करण्यात आली आहे. याबाबतचा टोल फ्री क्रमांक १४४६७ हा असून सदर हेल्पलाइन साठी सर्व जिल्हा पातळीवर क्षेत्रीय प्रतिनिधी ( एफ.आर.ओ), नियुक्त केलेले आहेत, असे समाज कल्याण सहायक आयुक्त भाऊराव चव्हाण यांनी कळविले आहे.


  • एक दिवशीय कान्होबा टेकडी येथे पायी शैक्षणिक सहल अंमलबजावणी

    जिल्हा परिषद यवतमाळ


    आज दि.05/01/2023 रोजी एक दिवशीय कान्होबा टेकडी येथे पायी शैक्षणिक सहल काढण्यात आली...निसर्गाच्या सानिध्यात सर्वांनी आनंद साजरा केला.येथील ऐतिहासिक संदर्भ सांगण्यात आला तसेच सर्वांनी एकत्र वनभोजनाचा आनंद घेतला .विद्यार्थ्यांनी आपले कलागुण सादर केले.तसेच क्षेत्रभेटीचा अहवाल कोण चांगल्या प्रकारे सादर करतो असे आव्हानही देण्यात आले.मुख्याध्यापकासह सर्व महिला व शिक्षक कर्मचारी हजर होते.तसेच याकरिता चतुर्थ कर्मचारीयांचे सहकार्य लाभले....


  • तालुकास्तरीय क्रीडा व सांस्कृतिक स्पर्धा पस नेर अंमलबजावणी

    जिल्हाधिकारी कार्यालय यवतमाळ


    मा. मुख्य कार्यकारी अधिकारी यांचे हस्ते तालुकास्तरीय क्रीडा व सांस्कृतिक स्पर्धा पस नेर चे उद्घाटन संपन्न झाले


  • " माझी सुंदर साखर शाळा" अंमलबजावणी

    जिल्हाधिकारी कार्यालय यवतमाळ


    पस महागाव अंतर्गत सवना-गुंज येथील साखर कारखान्यावर आपल्या पालकांसोबत(ऊसतोड कामगार) कामावर आलेल्या मुलांसाठी " माझी सुंदर साखर शाळा" सुरू करण्यात आली...ज्यामुळे सदर मुलांचे यावर्षी शैक्षणिक नुकसान होणार नाही


  • आश्रम शाळा फुलवाडी येथे सावित्रीबाई फुले जयंती निमित्य मुलींची आरोग्य तपासणी शिबिर अंमलबजावणी

    जिल्हा परिषद यवतमाळ


    ज्ञानोपासक शिक्षण प्रसारक मंडळ फुलवाडी द्वारा संचलित स्व.आप्पासाहेब अत्रे विजाभज प्राथमिक व माध्यमिक आश्रम शाळा फुलवाडी येथे सावित्रीबाई फुले यांच्या जयंतीनिमित्य दुपारच्या सत्रात मुलींची आरोग्य तपासणी शिबिर आयोजित करण्यात आले होते.या शिबिरात श्री क्लिनिक शेंबाळपिंपरी येथील प्रसिद्ध डॉ.राजश्री पवन राठोड यांनी सर्व विद्यार्थिनींची आरोग्य तपासणी केली.सदर शिबिरामध्ये काही विद्यार्थिनींना समस्या असतील किंवा आजार असतील तर त्याचे निरसन केले. व पुढील उपचाराविषयी मार्गदर्शन करण्यात आले. कार्यक्रमासाठी मा श्री सुभाष राठोड ज्येष्ठ नागरिक बुट्टी, पवन सुभाष राठोड,सुनीता पाईकराव,अजय जाधव, पंडित पवार,ईशान चव्हाण, शाळेचे मुख्याध्यापक गजानन कलिंदर आदी मान्यवर उपस्थित होते. ईशान चव्हाण यांनी कार्यक्रमाचे प्रास्ताविकात शाळेचा लेखाजोखा थोडक्यात मांडला.डॉ राजश्री राठोड मॅडम यांनी आपल्या मार्गदर्शनातून विद्यार्थिनींनी वैयक्तिक स्वच्छता व आरोग्याची काळजी कशी राखायची याविषयी सविस्तर मार्गदर्शन केले. तसेच पुढील काळात सुद्धा विद्यार्थ्यांच्या अडीअडचणी सोडविण्यासाठी कटिबद्ध असल्याचे त्यांनी सांगितले. कार्यक्रमाचे विशेष म्हणजे सर्व नियोजन वर्ग 9 वि च्या विद्यार्थिनींनी केले.व सुंदर वेशभूषा करून कार्यक्रमाची शोभा वाढवली. शिबिराच्या यशस्वीतेसाठी नामदेव वानखेडे,गजानन पाचकोरे,पांडुरंग कल्याणकर,अभय ठाकूर, ज्ञानेश्वर चव्हाण,उद्धव खुडे,श्रीकांत विरखडे, हिमांशू चव्हाण,शुभम काळबोन्डे, रमेश चव्हाण,कैलास काळे,आकाश देडे, संतोष वायकुळे,वैशाली चव्हाण आदींनी परिश्रम घेतले.


  • आश्रम शाळा फुलवाडी येथे सावित्रीबाई फुले जयंती निमित्य मुलींची आरोग्य तपासणी शिबिर अंमलबजावणी

    जिल्हाधिकारी कार्यालय यवतमाळ


    ज्ञानोपासक शिक्षण प्रसारक मंडळ फुलवाडी द्वारा संचलित स्व.आप्पासाहेब अत्रे विजाभज प्राथमिक व माध्यमिक आश्रम शाळा फुलवाडी येथे सावित्रीबाई फुले यांच्या जयंतीनिमित्य दुपारच्या सत्रात मुलींची आरोग्य तपासणी शिबिर आयोजित करण्यात आले होते.या शिबिरात श्री क्लिनिक शेंबाळपिंपरी येथील प्रसिद्ध डॉ.राजश्री पवन राठोड यांनी सर्व विद्यार्थिनींची आरोग्य तपासणी केली.सदर शिबिरामध्ये काही विद्यार्थिनींना समस्या असतील किंवा आजार असतील तर त्याचे निरसन केले. व पुढील उपचाराविषयी मार्गदर्शन करण्यात आले. कार्यक्रमासाठी मा श्री सुभाष राठोड ज्येष्ठ नागरिक बुट्टी, पवन सुभाष राठोड,सुनीता पाईकराव,अजय जाधव, पंडित पवार,ईशान चव्हाण, शाळेचे मुख्याध्यापक गजानन कलिंदर आदी मान्यवर उपस्थित होते. ईशान चव्हाण यांनी कार्यक्रमाचे प्रास्ताविकात शाळेचा लेखाजोखा थोडक्यात मांडला.डॉ राजश्री राठोड मॅडम यांनी आपल्या मार्गदर्शनातून विद्यार्थिनींनी वैयक्तिक स्वच्छता व आरोग्याची काळजी कशी राखायची याविषयी सविस्तर मार्गदर्शन केले. तसेच पुढील काळात सुद्धा विद्यार्थ्यांच्या अडीअडचणी सोडविण्यासाठी कटिबद्ध असल्याचे त्यांनी सांगितले. कार्यक्रमाचे विशेष म्हणजे सर्व नियोजन वर्ग 9 वि च्या विद्यार्थिनींनी केले.व सुंदर वेशभूषा करून कार्यक्रमाची शोभा वाढवली. शिबिराच्या यशस्वीतेसाठी नामदेव वानखेडे,गजानन पाचकोरे,पांडुरंग कल्याणकर,अभय ठाकूर, ज्ञानेश्वर चव्हाण,उद्धव खुडे,श्रीकांत विरखडे, हिमांशू चव्हाण,शुभम काळबोन्डे, रमेश चव्हाण,कैलास काळे,आकाश देडे, संतोष वायकुळे,वैशाली चव्हाण आदींनी परिश्रम घेतले.


  • महाळुंगी आश्रम शाळेच्या विध्यार्थ्यांनी दिला मदतीचा संदेश अंमलबजावणी

    जिल्हाधिकारी कार्यालय यवतमाळ


    3जने2023_महाळुंगी, स्वर्गीय सजनीबाई आडे वि.जा. भ.ज. माध्य. व उच्च माध्यमिक आश्रम शाळा महाळुंगी येथे आज दिनांक 3 जानेवारी 2023 रोजी क्रांतीज्योती सावित्रीबाई फुले यांची जयंती उत्साहात साजरी करण्यात आली. या प्रसंगी सावित्रीच्या लेकींचा सन्मान सोळ्यांतर्गत इयत्ता 9ते 12 वी च्या विध्यार्थ्यांनी नूतन वर्षाच्या पारंपरिक सेलेब्रेशन कार्यक्रमाला बगल देत जमा केलेल्या खाऊच्या पैश्यातून आपल्याच शाळेतील लहान मुलांना शैक्षणिक साहित्याचे वाटप सावित्रीच्या लेकींच्या हस्ते केले. या कार्यक्रमाला अध्यक्ष म्हणून श्रीमती.आशाताई एन. राऊत, प्रमुख पाहुणे श्रीमती एन.बी.आमटे मॅडम, श्रीमती आर.बी.देशमुख मॅडम, श्रीमती एस.व्ही.कन्नावार मॅडम, श्रीमती.ए.एल. जाधव मॅडम, श्रीमती.एस.एस.टेळकीकर मॅडम, सौ.अर्चना सावके उपस्थित होत्या. शाळेचे प्राचार्य श्री.भूपाल राठोड सर यांचे हस्ते शाळेतील सर्व महिला कर्मचाऱ्यांचा सन्मान करण्यात असला. या प्रसंगी शाळेतील विद्यार्थ्यांनी भाषण,गीतगायन,तसेच नृत्य सादर केले. सावित्रीबाई फुले यांच्या जीवनावर आधारित प्रश्नमंजुषा आयोजित करण्यात आली. कार्यक्रमाचे सूत्र संचालन निकिता पवार तर आभार प्रदर्शन ममता तुनगर या विध्यार्थिनींनी केले.


  • शासकीय निवासी शाळा आर्णी येथे सिकलसेल तपासणी शिबाराचे आयोजन अंमलबजावणी

    जिल्हा परिषद यवतमाळ


    सामाजिक न्याय विभागाअंतर्गत येणाऱ्या आणि अनु जाती शासकीय निवासी शाळा नाथनागर आर्णी येथे दिनांक 4 जानेवारी 2023 रोजी तालुका आरोग्य विभागामार्फत सिकलसेल तपासणी शिबिरा चे आयोजन करण्यात आले सदर शिबिरा मध्ये आरोग्य विभागाच्या सिकलसेल पर्यवेक्षिका अश्विनी मेहर लसीकरण पर्यवेक्षिका विना वाघमारे आणि लॅब टेक्निशियन भास्कर मोधने यांनी सर्व विद्यार्थ्यांना सिकलसेल या आजाराविषयी मार्गदर्शन केले तसेच सध्या सुरू असलेल्या गोवर साथी च्या आजाराची माहिती दिली त्यांची लक्षणे आढळल्यास त्वरित संपर्क साधावा असे सुचविले तसेच मुलांनी विचारलेल्या समस्यांचे निराकरण केले . शाळेतील सर्व मुलांच्या रक्ताचे नमुने या वेळी घेण्यात आले शिबिर कार्यक्रम ला मा. मुख्याध्यापक श्री मडावी सर एम एम पवार ,पी पी ठाकरे ,एम एम जगताप, सि डी खोडे , पी ए भेंडे , एस नारायणे, ए गोहणे उपस्थित होते सदर शिबिराचे सुत्रसंचलन शिक्षिका सुषमा सुरवाडे यांनी केले


1 2